Promoter and Jailor

Promoteur venez a la court
Tantost: et soyez advise
Respondre le long. ou le court.
Du cas qui vous est impose.
Cest: car vous este accuse
Navoir pas tousiours iustement
De vostre office bien use.
En mal fait git amendement.

Ieusse demain receu six solz
Dun homme qui est en sentence
Pour consentir qui fut absoulz
Se ieusse ester a laudience.
Plus ne me fault penser en ce
Mort ma soupriz en son embuche
Prandre me fault en pacience
Bien charie droit qui ne trebuche

En soussy. peine. et traveil.
Avez garder prisons geolier
Souvent on vous a fait resueil
Cuidanz dormir. ou sommellie.
Vous nen serez plus traveillie
Venez danser sans plus de plait
Cy est: ou vous devez veillier
Il fault morir quant a dieu plait.

Ie tenoye de bons prisonniers
Desquelx iatendoye recepvoir
Plenne ma bourse de deniers
Pour despence. et pour avoir
Les garder. et fait mon devoir
De les penser bien loyalment.
Quant on meurt on doit dire voir.
Dieu scet qiu [sic] dit vray. ou qui ment.