|
|
This manuscript is one of the oldest. It is the one that Dufour called A.
Like so many other of these old manuscripts we are rather dealing with an anthology containing many different texts. Many of these texts are written by Jean de Gerson and this is presumably the reason why Dufour and others believed Gerson authored La Danse Macabre as well. The dance starts on folio 64 (picture to the right).
One of the other texts in the manuscript bears the year 1429 (which incidentally was the year Gerson died) and Emile Mâle stated that the manuscript couldn't be much younger than this.(1) Kurtz informs us that Champion "by a similar process" has come up with the year 1416,(2) however that is to be understood. According to Gilbert Ouy, the date is about 1440.(3)
|
The book's old name (one of them) is Saint-Victor NN 7 because this manuscript originally resided at the Saint-Victor's Abbey of Paris just like Fr. 25550 did. There is a stubborn story about these old manuscripts from Saint-Victor, viz. that the text itself should bear witness that it is a copy of the dance on the wall of the cemetery of St. Innocents.
As the picture to the right shows, the heading says no more and no less than "La dance macabre". The much hyped self-description can instead be found in a table of contents, which has been inserted at the beginning of the manuscript: »La dance macabre prout habetur apud sanctum innocentium.64.«. So the table of contents simply quote "La dance macabre" (in French) from the headline on page 64, and adds in Latin: "such as we find close to Saint Innocents".
For further details, see the Saint-Victor's Abbey of Paris.
A critical version of the text with an English translation is available by Alina Zvonareva. See external link.
In the following transcription I distinguish between "i" and "j", even though this results in three cases of "jl" (186, 481, 531). The scribe always capitalize the letter "R" at the beginning of a word (with two exceptions: 159, 211), so I have chosen to regard this R as a variant, and I always write it in lowercase.
Two lines of the pope's speech have been exchanged (29,30), and the scribe has marked this in the margin. The poor mans' fifth line is missing (this line is also missing in Ms. Add 38858), and the same goes for the curate's 5th line and the 5th line of Death's speech to the peasant. These errors have been amended in this transcription,
Some letters and words have been added in square brackets. A few word and letters have been put in angle brackets because they are superfluous. Some letters in the headlines are put in parenthesis because they are partly hidden on the photos and have been conjectured.
There's an awkward error in line 184: Normally the well-nourished abbot is told that the fattest man will be the first to rot: »Le plus gras est premier pourry«, but in this manuscript it only says: »Le premier est premier pourry«
The illustrations are from Miroer Salutaire.
La dance macabre
Hec pictura decus pompam luxumque relegat
In que choris nostris ducere festa monet
Discite vos choream cuncti<s> qui cernitis istam
Quantum prosit honor gaudia diuicie
Tales estis enim matura morte futuri
Qualis in effigie mortua turba vocat
|
O Creature raisonnable
Qui desire vie eternelle
Tu as cy doctrine notable
Pour bien finer vie mortelle
5
La dance macabre sappelle
Que chascum a dancer apprent
A homme & fame est naturelle
Mort nespargne petit ne grant
En ce miroir chascum peut lire
10
Qui le conuient ainsi danser
Cil est <est> eureus qui bien se mire
Le mort le vif fait auancer
Tu vois les plus grans commencer
Car il nest nul que mort ne fiere
15
Cest piteuse chose y penser
Tout est forgie dune matere
|
Le mort
Vous qui viues certainement
Quoy quil tarde ainsi danceres
Mais quant dieu le scet seulement
20
Aduises comment vous feres
Dam pappe vous commenceres
Comme le plus digne seigneur
En ce point honneres seres
Aulx grans maistres est dieu lonneur
Le pappe
25
Hee fault il que la dance maine
Le premier qui sui dieu en terre
Jay eu dignite souueraine
En leglise comme saint pierre
Et comme aultres mort me vient querre
30
Encor point morir ne cuidasse
Mais la mort a tous maine guerre
Peu vault honneur qui si tot passe
La m(ort)
Et vous le nompareil du monde
Prince & seigneur grant emperiere
35
Laissier fault la pomme dor ronde
Armes ceptre timbre baniere
Je ne vous lairay pas derriere
Vous ne poues plus seig[n]ourrier
Jenmaine tout cest ma maniere
40
Les filz adam fault tous morir
Lempe(reur)
JE ne scay deuant qui jappelle
De la mort quansi me demaine
Armer me fault de pic de pelle
Et dum linseul ce mest grant peine
45
Sur tous ay eu grandeur mondaine
Et mourir me fault pour tout gaige
Et quest ce de mortel demaine
Les grans ne lont pas dauantage
|
Le m(ort)
Vous faittes lesbahi ce me semble
50
Cardinal sus legerement
Suiuons les aultres tous ensemble
Rien ny vault esbahissement
Vous aues vescu haultement
Et en honneurs a grans deuis
55
Prenes en gre lesbatement
Es grans honneurs se pert laduis
Le (cardinal)
JAy bien cause de mesbahir
Quant je me vois de si pres pris
La mort mest venu enuair
60
Plus ne vestiray vair ne gris
Chappeau rouge & chappe de pris
Me fault laissier a grant destresse
Je ne lauoye pas apris
Toute joye fine en tristesse
Le mort
65
VEnes noble roy couronne
Renomme de force & de proesse
Jadis fustes aduironne
De grans pompes de grant noblesse
Mais maintenant toute haultesse
70
Laiserre<re>s vous nestes pas seul
Peu aures de vostre richesse
Le plus riche na qun linseul
Le roy
JE nay point aprins a dancer
A dance & note si sauuage
75
Helas on peut veior & penser
Que vault orgueil force lingnage
Mort destruit tout cest son vsage
Aussi tost le grant que le mendre
Qui moins se prase plus est sage
80
A la fin fault deuenir cendre
|
Le mort
PAtriarche pour basse chiere
Vous ne poues estre quitte
Vostre double crois quaues chiere
Vng aultre aura cest equitte
85
Ne penses plus a dignite
Ja ne seres pappe de romme
Pour rendre compte estes cite
Fole esperance decept lomme
Le patriarche
Bien parcoy que mondains honneurs
90
Mont deceu pour dire le voir
Mes joyes tournent en douleurs
Et que vault tant donneur auoir
Tropt monter hault nest pas sauoir
Haulx estas gastent gens sans nombre
95
Mais peu le veullent perceuoir
A hault monter le fais encombre
Le mort
Cest de mon droit que je vous maine
A la dance gent connestable
Les plus fors comme charlemaine
100
Mort prent cest chose veritable
Rien ne vault chiere espoutable
Ne forte armeure en cest assault
Dum cop jabas le plus estable
Rien nest darmes quant mort assault
Le con(nestable)
105
JE auoie encore entention
Dassalir chasteaux & forteresses
Et mener a subiection
En aquerant honneurs richiesses
Mais je voy que toutes proesses
110
Mort met au bas cest grant despit
Tout lui est vng doulceurs rudesses
Contre la mort na nul respit
|
Le mor(t)
Que vous tires la teste arriere
Arceuesque tires vous pres
115
Aues vous paour quon ne vous fiere
Ne doubtes vous venres empres
Nest pas tousiours la mort empres
Tout homme et le suit coste a coste
Rendre conuient debtes & prest
120
Vne fois fault compte a loste
Larc(euesque)
LAs je ne scay ou regarder
Tant suis [par] mort a grant destroit
Ou fuiray je pour moy garder
Certes qui bien la cong[n]oistroit
125
Hors de raison jamais nistroit
Plus ne gerray en chambre painte
Mourir me conuient cest le droit
Quant faire le fault cest [grant] contrainte
Le mort
Vous qui entre les grans barons
130
Aues eu renon cheualier
Oublies tromppettes clarons
Et me sieuues sans sommelier
Les dames souliez resuelier
En faisant danser longue piece
135
Aultre dance fault il veillier
Ce que lun fait laultre despiece
Le cheualier
OR ay je este auctorisie
En pluseurs fais & bien fame
Des grans & des petis ame
140
Auec ce des dames ame
Ne onques ne fu diffame
A la court de seigneur notable
Mais a ce cop suis tout pasme
Desoulz le ciel na riens estable
|
Le mort
145
Tantost naures vaillant ce pic
Des biens du monde & de nature
Euesque de vous il est pic
Non obstant vostre prelature
Vostre fait git en aduenture
150
De vos subgies fault rendre compte
A chascum dieu fera droiture
Nest pas aseur qui trop hault monte
Leuesque
LE cuer ne me peut resioir
Des nouuelles que mort maporte
155
Dieu vouldra de tout compte oir
Cest ce que plus me desconforte
Le monde ausi peu me conforte
Qui tous a la fin desherite
Il retient tout nul rien nemporte
160
Tout se passe fors le merite
La mort
Auances vous gent escuier
Qui saues de dancer les tours
Lance porties & escu hier
Et hui vous fineres voz jours
165
Il nest rien qui ne prengne cours
Dances & penses de suir
Vous ne poues auoir secours
Il nest qui puisse mort fuir
Lescuier
Puis que mort me tient en ses las
170
Aumoins que je puisse vng mot dire
Adieu deuis Adieu soulas
Adieu dames plus ne puis rire
Penses de lame qui desire
Repos ne [vous] chaille plus tant
175
Du corps qui tous les jours empire
Tous fault morir on ne scet quant
|
La mo(rt)
Abbe venes tost vous fuies
Nayes ja la chiere esbahie
Il conuient que la mort suyes
180
Combien que moult laues haye
Commandes adieu labbaye
Que gros & gras vous a nourir
Tost porrires a peu daye
Le premier est premier pourry
Lab(be)
185
DE cecy neusse point enuie
Mais jl conuient le pas passer
Las or nay je pas en ma vie
Garde mon ordre sans casser
Gardes vous de trop embrasser
190
Vous qui viues au demourant
Se vous voules bien trespasser
On saduise tart en mourant
Le (mort)
BAillif qui saues quest justice
Et hault & bas en mainte guise
195
Pour gouurener<t> toute police
Venes tantost a ceste assise
Je vous ajourne de main mise
Pour rendre compte de voz fais
Au grant juge qui tout vng prise
200
Vng chascum portera son fais
Le baillif
HE dieu vecy dure journee
De ce cop pas ne me gardoye
Or est la chanche bien muee
Entre juges honneur auoye
205
Et mort fait raualer ma joye
Qui ma ajourne sans rappel
Je ny vois plus ne tour ne voye
Contre la mort na point dappel
|
Le mort
Maistre pour vostre regarder
210
En hault ne pour vostre clergie
Ne poues la mort retarder
Cy ne vault rien astrologie
Toute la genealogie
Dadam qui fut le premier homme
215
Mort prent ce dit theologie
Tous fault morir pour vne pomme
Le maistre
Pour science ne pour degre
Ne puis auoir prouision
Car maintenant tous mes regres
220
Sont mourir a confusion
Pour finable conclusion
Je ne scay rien que plus descriue
Je pers cy toute aduision
Qui vouldra bien mourir bien viue
Le mort
225
Bourgois hastes vous sans tarder
Vous naues auoir ne richesse
Qui vous puisse de mort garder
Se des biens dont e[u]stes largesse
Aues bien vse cest saigesse
230
Daultrui vien tout a aultruy passe
Fol est qui damasser se blesse
On ne scet pour qui on amasse
Le bourg(ois)
GRant mal me fait si tost lessier
Rentes maisons cens nourreture
235
Mais poures riches abaissier
Tu fais mort telle est ta nature
Saige nest pas la creature
Damer trop les biens qui demeurent
Au monde & sont siens de droiture
240
Ceulx qui plus ont plus enuis meurent
|
L(e mort)
SIre chanoyne prebendes
Plus naures distribution
Ne gros ne vous y attendes
Prenes cy consolation
245
Pour toute retribution
Mourir vous conuient sans demeure
Ja ny aures dilation
La mort vient quon ne garde leure
Le c(hanoine)
Cecy gueres ne me conforte
250
Prebendes fus en mainte eglise
Or est la mort plus que moy forte
Qui tout emmaine cest la guise
Blanc surplis & aumuce grise
Me faul[t] lesser & a mort rendre
255
Que vault gloire si tost bas misse
A bien mourir doit chascum t<r>endre
Le (mort)
MArchant regardes par dessa
Pluseur pays aves cerchie
A pie a cheual depiessa
260
Vous nen seres plus empechie
Vecy vostre desrain marchie
Il conuient que par cy passes
De tout soing seres despeschies
Tel couuoite qui a asses
Le marchant
265
JAy este amont & aual
Pour marchander ou je pouoye
Par long tamps a pie a cheual
Mais maintenant pers toute joye
De tout mon pouoyr acqueroye
270
Or ay je asses mort me contraint
Bon fait aler moyenne voye
Qui trop embrasse peu estraint
|
Le mort
Ales marchant sans plus rester
Ne faittes ja cy resistence
275
Vous ny poues rien conquester
Vous aussi homme dastinence
Chatreux prenes en pacience
De plus viure nayes memo[i]re
Faittes vous valoir a la dance
280
Sur tout homme [mort] a victoire
Le chartreus
JE suis au monde piessa mort
Par quoy de viure ay moins enuie
Ja soit que tout homme craint mort
Puis que la char est assouuye
285
Plaise a dieu que lame rauie
Soit es cielx apres mon trespas
Cest tout neant que de ceste vie
Tel est hui que demain nest pas
La mort
SErgant qui portes celle mace
290
Il semble que vous rebelles
Pour neant faittes la grimace
Se on vous griesue si appelles
Vous estes de mort appelles
Qui lui rebelle il se decoit
295
Les plus fors sont tost rauales
Il nest fort quaussi fort ne soit
Le ser(gant)
MOy qui sui royal officer
Comment mose la mort frapper
Je faisoye mon office hier
300
Et elle me vient huy happer
Je ne scey quel part eschapper
Je suis prins deca & dela
Maugre moy me lesse attrapper
Enuis meurt qui aprins ne la
|
La m(ort)
305
HA maistre par la passeres
Nayes ja soing de vous deffendre
Plus homme nespouenteres
Apres moyne sans plus attendre
Ou penses vous ci fault entendre
310
Tantost aures la bouche close
Homme nest fors que vent & cendre
Vie domme est moult peu de chose
Le (moyne)
JAmasse mieulx encore estre
En cloistre & faire mon seruice
315
Cest vng lieu deuot & bel estre
Or ay je comme fol et nice
Ou temps passe commis maint vice
De quoy nay pas fait penitance
Souffisant dieu me soit propice
320
Chascum nest pas joyeux qui dance
La (mort)
Usurier de sens desreugle
Venes tost & me regardes
Dusure estes tant aveugle
Que dargent gaignier tout ardes
325
Mais vous en seres bien lardes
Car se dieu qui est merueilleux
Na pitie de vous tout perdes
A tout perdre est cop perilleux
Lusurier
ME conuient il si tout mourir
330
Ce mest grant painne & grant greuance
Et ne me porroitt secourir
Mon or mon argent ma cheuance
Je vois morir la mort mauance
Mais il men desplait somme toute
335
Quest ce de mal acoustumance
Tel a bieulx yeulx qui ne voit goute
Le poure
Usure est tant mauuais pechie
Comme chascum dit & raconte
Et cest homme qui approchie
340
Se sent de la mort nen tient compte
Encor a vsure me preste
Il deura de retour au compte
Nest pas quitte qui doit de reste
|
La mort
345
MEdecin a tout vostre vrine
Vees vous ycy quamendrer
Jadis sceustes de medicine
Asses pour pouoir commander
Or vous vient la mort demander
350
Comme autres vous conuient morir
Vous ny pouez contremander
Bon mire est qui se scet garir
Le medicin
Longc temps a quen lart de phizique
Jay mis toute mon estudie
355
Javoye science & pratique
Pour garir maint maladie
Je ne scey que je contredie
Plus ny vault herbe ne racine
Nautre remede quoy quon die
360
Contre la mort na medicine
La m(ort)
GEntil amoureux jeune & frique
Qui vous cuidies de grant valeur
Vous estes prins la mort vous pique
Le monde laires a douleur
365
Trop laues ame cest foleur
Et a mourir peu regarde
Ja tost vous changeres couleur
Beaute nest quimage farde
Lam(oureux)
HElas or ny a il secours
370
Contre la mort adieu amourettes
Moult tost va jonesse a decours
Adieu chappeaus bouques flourettes
Adieu amans & pucellettes
Souuiengne vous de moy souuent
375
Et vous mires se sages estes
Petite pluye abat grant vent
|
La m(ort)
AUocat sans longc proces faire
Venes vostre cause plaidier
Bien aues sceu les gens attraire
380
De piessa non pas duy ne dier
Conseil ne vous peut cy aydier
Au grant juge vous fault venir
Sauoir se deues sans cuidier
Bon fait <fait> justice preuenir
Lad(uocat)
385
CEst bien droit que raison se face
Je ny scey mettre deffense
Contre mort na respit ne grace
Nul nappelle de sa sentence
Jay eu de lautruy quant je y pense
390
De quoy je doubte estre repris
A craindre est le jour de vengence
Dieu rendra tout a juste pris
La mort
MEnestrel qui dances et nottes
Saues & aues beau maintien
395
Pour faire esioir sots & sottez
Quen dittes vous alons nous bien
Monstrer vous fault puis que vous tien
Aux aultres cy vng tour de dance
Le contredire ny vault rien
400
Maistre doit monstrer sa science
Le menestrel
DE dancer ainsi neusse cure
Certes tres enuis je men mesle
Car de mort nest peine plus dure
Jay mis soulxs le banc ma vielle
405
Plus ne corneray sauterelle
Nautre dance mort men retient
Il me fault obeir a elle
Tel dance a qui au cuer nen tient
|
Le mort
Passes cure sans plus songier
410
Je sens questes abandonne
Le vif le mort soulies mengier
Mais vous seres aux vers donne
Mirouer daultrui & examplaire
415
De voz fais seres geurdonne
A toute peine est deu salaire
Le cure
Veulie ou non il fault que me rende
Il nest homme que mort nassaille
Hee de mes parroissiens offrende
420
Nauray james ne funeraille
Deuant le juge fault que je aille
Rendre compte las douloureux
Or ay grant paor que ne faille
Qui dieu quitte bien est eureux
Le mort
425
Laboureur qui en soing et peine
Aues vescu tout vostre temps
Mourir vous fault cest chose certaine
Reculer ny vault ne contens
430
Car de grant soucy vous deliure
Approchies vous je vous attens
Fol est qui cuide tousiours viure
Le la(boureur)
La mort ay souhaitie souuent
Mais volentier je la fouisse
435
Jaimasse mieulx fist pluye ou vent
Estre en vignes ou je fouisse
Encor plus grant plaisir y prisse
Car je pers de peur tous propos
Or nest il qui de ce pas ysse
440
Au monde na point de repos
|
La (mort)
Faites voye vous aues tort
Laboureur ¶ Apres cordellier
Souuent aues preschie de mort
Si vous deues moins merueillier
445
Ja ne sen fault esmoy baillier
Il nest si fort que mort narreste
Si fait bon a mourir veillier
A toute heure la mort est preste
Le c(ordellier)
Quest ce que de uiure en ce monde
450
Nul homme a seurete ny demeure
Toute vanite y abonde
Puis vient la mort qua tous cour seure
Mendicite point ne masseure
Des mesfais fault payer lamende
455
En petite heure dieu labeure
Saige est le pecheur qui samende
La (mort)
PEtit enfant nagueres ne
Au monde auras peu de plaisance
A la dance seras mene
460
Comme ault[r]es car mort a puissance
Sur tous du jour de la naissance
Conuient chascum a mort offrir
Fol est qui nen a congnoissance
Qui plus vit plus a a souffrir
Lenfant
465
A A A je ne scey parler
Enfant suis jay la langue mue
Hier nasquis hui men fault aler
Je ne fais quentrer & yssue
Rien nay mesfait mais de peur sue
470
Pre[n]dre en gre me fault cest le mieulx
Lordonnance dieu ne se mue
Aussi tost meurt jeusne que vieulx
|
La mort
Cuides vous de mort eschapper
Cler[c] esperdu pour reculer
475
Il ne sen fault ja deffriper
Tel cuide souuent hault aler
Qon voit a cop tost raualer
Prenes en gre alons ensemble
Car rien ny vault le rebeller
480
Dieu punit tout quant bon lui semble
Le clerc
Fault jl que jeusne clerc seruant
Qui en service prent plesir
Pour cuidier venir en auant
Meure si tost cest desplaisir
485
Je suis quitte de plus choisir
Aultre estat il fault quansi dance
La mort ma pris a son plaisir
Moult remaint de ce que fol pense
La mort
Clerc point ne fault faire refus
490
De danser faittes vous valoir
Vous nestes pas seul leues sus
Pourtant moins vous en doit chaloir
Venes apres cest mon vouloir
Homme nourry en hermitage
495
Ja ne vous en conuient douloir
Vie nest pas seur heritage
Lerm(ite)
Pour vie dure ou solitaire
Mort ne donne de viure espace
Chascum le voit si sen faul[t] taire
500
Or requier dieu qun don me face
Cest que tous mes pechies efface
Bien suis contens de tous ses biens
Desquelz jay vse de sa grace
Qui na souffissance il na riens
Le m(ort)
505
CEst bien dit ainsi doit on dire
Il nest qui soit de mort deliure
Qui mal vit il aura du pire
Si pense chascum de bien viure
Dieu pesera tout a la liure
510
Bon y fait penser soir & main
Melieur science na en liure
Il nest qui ait point de demain
|
Vng roy mort tout nu couchie en(uers)
VOus qui en ceste pourtraiture
Vees danser estas diuers
515
Penses quest humaine nature
Ce nest fors viande a vers
Je le monstre qui gis enuers
Si ay je este roy couronnes
Telz serez vous bons & peruers
520
Tous estas sont aux vers donnes
Vng maistre qui est au bout de la d(ance)
RIen nest domme qui bien y pense
Cest tout vent chose transitoire
Chascum le voit par ceste dance
Pour ce vous qui vees listoire
525
Retenes la bien en memo[i]re
Car homme et fame elle admonneste
Dauoir de paradis la glo[i]re
Eureux est qui es cieulx fait feste
Mais aucuns sont a qui nen chault
530
Comme sil ne fust paradis
Nenfer helas jl auront chault
Les liures que firent jadis
Les sains le monstrent en beaux dis
Acquittes vous qui cy passes
535
Et faittes du bien plus nen dis
Bien fait vault moult aux trespasses
Versus magistrales
Mortales Dominus cunctos in luce creauit
Ut capiant meritis gaudia summa poli
Felix ille quidem qui mentem jugiter illuc
Dirigit atque vigil noxia queque cauet
Nec tamen jnfelix sceleris quem penitet acti
Quique suum facinus plangere sepe solet
Sed viuunt homines tanquam mors nulla sequatur
Et velut infernus fabula vana foret
Cum doceat sensus viuentes morte resolui
Atque herebi penas pagina sacra probet
Quas qui non metuit jnfelix prorsus & amens
Viuit et extinctus sentiet ille rogum
Sic igitur cuncti sapientes viuere certent
Ut nichil inferni sit metuenda palus
Explicit la Dance Macabre & a dieu graces
Footnotes: (1) (2) (3)
The same information about Champion is repeated in Ihr müßt alle nach meiner Pfeife tanzen, page 29, footnote 11.
Dances of death
Danse macabre
Manuscripts
Ms. Lat. 14904