Loups ravissans, Haman

Accident admires Justice at work
Gallows

Accident uses the justice system to punish people, who abuse their power (apparently "iustice" is not a "personnaige"). He cites two examples.

The one is Olivier le Daim, who was appointed court barber by King Louis XI of France. (»maistre oliuier / Le dain […] Qui du roy louys vnziesme fut ba[r]bier«). When the king died, Olivier quickly fell into disfavor and was hanged in 1484. Accident boasts: "You remember how I strangled him with a strong bridle, and Montfaucon became his cemetery" (»Il vous souuiengne […] ie fis estrangler dung fort cheuestre […] Et mont faulcon fis son cymetiere estre«).

The other is a nameless constable (connétable) who also became a great master (»Du connestable aussi qui fut grant maistre«): "You remember him whom I got beheaded in Paris in [Place de] Grève" (»Vous souuiengne le quel fis decoller / Dedans paris en greue«). He has been identified by Leber and Mary Beth Winn as the count of Saint-Paul, Louis of Luxembourg, who was beheaded in 1475.

The next speaker is Haman, the prince from the book of Esther in the Bible, who tried to get a Jew named Mordecai (»vng iuif mardocheus nomme«) killed along with all other Jewesses and Jews: »toutes iuifues et iufz«. As is well known, Haman ended up in his own gallows.

Accident

    ¶ accident

Maistres dostelz & gouuerneurs de roys
qui faictes plus que lon ne vous commande
Vous qui tenez pareilz et telz arroys
1990 quont fait ceulx qui cy sont en ceste bende
par la fiance que vous auez trop grande
au roy ou prince lequel vous gouuernez
Qui tout acorde ce que vous ordonnez
Et pource faictes mainte grefue laidure
1995 au poure peuple sur qui vous dominez
Ne cuydez point que tousiours ce iendure

    ¶ Car ie feray de vous comme iadis
Jay fait daman gouuerneur dassuere
Et de maintz aultres dont rien ne dis
2000 Que prendre ay fait pour la misere
Quendurer ilz ont fait tresaustere
au peuple au desceu de leur maistre
Veoir les pouez icy en cest estre
Ou ilz dancent tous rechignez
2005 Ce dis pour vous faire acongnoistre
Quel salaire vous y gaignez

    ¶ Il vous souuiengne comme maistre oliuier
Le dain ie fis estrangler dung fort cheuestre
Qui du roy louys vnziesme fut ba[r]bier
2010 Et mont faulcon fis son cymetiere estre
Du connestable aussi qui fut grant maistre
Vous souuiengne lequel fis decoller
Dedans paris en greue/ plus parler
De ce ne vueil mais ie vous admonneste
2015 que se faictes le peuple ainsi fouller
La main mettray sur vostre col ou teste

    ¶ Nul prince nest qui sceust aulcun garder
Encontre moy se ie le ay en hayne
Ne qui peust faire seulement retarder
2020 que a malle mort tout soubdain ne le maine
Le prince mesme aucuneffois amaine
Jusques a ce que pour ladueu quil donne
a son sergent a peril sabandonne
Et a maintz roys par telz cas ay fait perdre
2025 Leur seigneurie: royaulme et couronne
Faulte dauis fait souuent maintz gens perdre

Haman

    ¶ aman

JE suis aman le maleureux meschant
a qui iadis le grant roy assuere
Dauctorite donna tant quempeschant
2030 Me fut et cause de mort amere
Et pource ne fault que me ingere
De racompter trestous les grans honneurs
Quil me faisois deuant aultres seigneurs
Car il commanda que tout chascun ployast
2035 Par deuant moy le genouil/ tant teneurs
Doffices quautres & que on madorast

    ¶ Pour lequel commandement chascun menclinoit
Fors que vng iuif mardocheus nomme
Dont si tresgrant desdain au cueur me suruenoit
2040 Quil me sembloit quen estoie diffame
Et pource la au roy dessus nomme
Je men allay et fis tant que vne lettre
Par trahison faulce obtins que transmettre
Et porter fis a tous iuges et baillifz
2045 Leur commandant que vng iour dit mettre
Ilz fissent a mort toutes iuifues et iufz.

    ¶ Et en esperance de me venger
Dudit mardochee vng gibet ie fis faire
En la cite de suses sans targer
2050 Pour ycelluy iuste mardochee y faire
Mourir et pendre/ mais aultrement laffaire
Alla/ car ie y fus moy mesmes mis
Auec plusieurs de mes plus grans amys
Par ac[c]ident qui souuent excecute
2055 Et fait la vengeance des ennemys
Des hommes qui dieu aiment et sont iuste

    ¶ Car mardochee fut tant exalte
Pour vng plaisir quil auoit au roy fait
Cest assauoir quil lauoit respite
2060 Destre occis que il voulut de fait
Que plus dhonneur a luy qua moy fust fait
Et que vestu il fust dhabis royaulx
Et moy estant traistre et desloyaulx
Fusse pendu au gibet que fait faire
2065 Auoir pour luy/ pour les griefz et trauaulx
Quauoies aux iuifz & iuifues cuyde faire

    ¶ Et en ce point moy qui cuydoie estre
Tant que viuroie en tel honneur tenu
Dessus chascun le souuerain et maistre
2070 pourtant questois du roy le tresbien venu
Fus comme ou liure dester est contenu
pendu et mors tous ceulx de mon lignaige
pour quoy ie dis que point seur heritaige
Nest de auoir la grace de vng prince
2075 Car souuent fault a petit dauantaige
par accident qui vngs et aultres pince

    ¶ Et pource dis encores apres le saige
Que honneurs mondains sont souuent chier tenuz
Et tant quilz font de raison perdre lusaige
2080 Mais a la fin on nen emporte nulz
pource vous qui estes si chier tenuz
Et fort aymes des princes et seigneurs
Ne greuez point aultres de vous mineurs
Mais a chascun faictes comme voulez
2085 Quon vous face & par ainsi honneurs
Vous acquerrez/ mais que nulz ne foulez

    ¶ Faictes iustice de vous mesmes a chascun
Sans vous fier en prince ne filz dhomme
Car accident si nespargne homme aulcun
2090 Et eust il autant dor et dargent comme
Eust onc mydas ou daire qui grant somme
En eurent/ et se ainsi vous le faictes
Viue qui pourra/ car amy a tous estes
Se vng prince meurt vng aultre si viendra
2095 Qui de raison transcedera les mettes
Au iour du iugement compte il en rendra