Here is the text from Heidelberg's Block-book.
I have created the text by comparing three sources: The original woodcuts, Maßmann's text from 1847 and the text published at totentanz-online.de.
The number of differences is surprising, but most are small. Some are a matter of taste, like for instance whether "eben bilde" should be in one or two words, others are banal, like when the transcriber after having written old German "hot" and "wedir" 10 times, accidentally writes modern German "hat" and "weder".(1)
The small numerals are line-numbers in the correct sequence that we see in Cpg 314, Cgm 270, Berlin, Mgf 19, Augsburg, Cod 157 and Kleinbasel. Heidelberg's block-book deviate from this order, exchanging the sequence between patriarch, archbishop and cardinal; between bishop and duke; between knight and abbot; between cook, peasant and beggar; and between mother and child.
The first sermon is only 22 lines in Heidelberg, but most other sources have 26 lines; for this reason the Pope's dialogue starts at line 27. Besides this, an apothecary has been added, who doesn't get any line-numbers here.
O deser werlde weysheit kint
Alle die noch ym leben sint
Setzt yn ewr hercze czwey wort
Die von cristo sint gehort
5
Das eyne komet her das ander gehet hyn
Dach des ersten die guten haben gewyn
So sie yn den hymmel komen
Do nemen sie des guten fromen
Das ander die bözen weyzet yn peyn
10
Der hellen. dy ouch ewig wirt seyn
Dorvm ich euch getrewlich rathe
Tut euch abe oppiger thate
Wenne dy czeit yst korcz yn desem leben
Dor noch wirt ach vnd we gegeben
15
Dorch den czwefechegen tod
Der die oppigen brengit yn not
Wenne mit seyner pfeyfen geschrey
Brengt her sie alle an seynen reyn
Doran dy weyzen czu den sprungen
20
Mit den toren werden gecwungen
Als dezes gemeldis figuren
Synt eyn eben bilde czu trawren
Her bobist merkt off meyner pawken don
Ir sullet dornoch hie springen schon
Ir dorfet keyns dyspensiren
30
Der tod wil euch den tancz hofyren
Ich was eyn heiliger bobist genant
Die weyle ich lebete ane forchte bekant
Nw werde ich gefurt frefillich
Czum tode ich were mich oppiglich
35
Her keyser euch hilft nicht das swert
Czeptir vnd crone sint hy nicht wert
Ich habe euch bey der hand genomen
Ir must an meynen reyen komen
Ich kunde das reich yn hoer eren
40
Mit streyt vnd fechten wol gemeren
Nw hot der tod obirwunden mich
Daz ich byn wedir keyser noch menschen gleich
Ich tancze euch vor frawe keysereyn
Springt mir noch der rat yst meyn
45
Die sperbrechir sint von euch gewichen
Der tod hot euch alleyne dirslichen
Wollust hatte meyn stolczer leib
Do ich lebete als eyns keysers weib
Nw hot mich der tod czu schanden brocht
50
Daz mir keyn frund yst nw irdocht
Her kunyg ewr gewald hot eyn ende
Ich wil euch füren bey den henden
An desir swarczen bruder tancz
Do gebt euch der tod eynen crancz
55
Ich habe alz eyn kunyg geweldigleich
Die werld gereigiret als reyn das reich
Nw byn ich mit des todis banden
Vorstrickit yn seynen handen
Her patriarch nw lod euch syngen
Ir must mit mir den reyen springen
Das czwefache crewcze loth fallen
70
Der tod wil mit euch schallen
Ich habe das czwefache crewcze getragen
Als eyn patriarch bey meynen tagen
Nw wil mich der tod twingen
Mit seynen geseln czu springen
Seyt ir yn hoer wirde gesessen
75
Erczbyschoff des yst gar vorgessen
Euch kan gehelfen wedir creucze noch pfaffen
Ir must tanczen ouch mit desen affen
Ich trug myt hoer wirdikeit
80
Das creucze vor der pfafheit
Als eyn erczbyschoff das tragen sal
Nw gee ich an deser toten czal
Springit off mit ewrem roten hutt
60
Her cardinal der tancz yst gutt
Ir hat geseynet wol die leyen
Vnnd must nw mit dem tode reyen
Ich was mit bobistlicher wal
Der heiligen kirchen cardinal
65
Nw byn ich dor czu getwngen gar
Daz ich tancze an des todis schar
Ewr wirde vnd ere hot sich vorkart
Her byschoff weyze vnd wol gelart
Ich wil euch an den reyen czyen
Do ir den tot nicht mogit entpflyen
95
Ich byn wirdiglich geerit wurden
Dy weyle ich lebete yn byschofs orden
Nw czyen mich dy vngeschaffen
Czu dem tode als eynen affen
Habit ir mit frawen ye hoch gesprungen
Stolczer herczog adir wol gesungen
85
Das must ir an dezem reyen bussen
Wol her lot euch die toten grussen
Ich habe die edlen hirren werth
Alz eyn herczog geregiret mit dem swerth
Nu byn ich yn leynen cleydern glancz
90
Betwungen an des todis tancz
Her grofe heist euch den keiser helfen
100
Ich brenge euch hie czu wilden welfen
Mit den ir must tanczen yagen
Der tot wil euch des nicht vortragen
Ich was yn der werlde genant
Eyn edler grofe dem reyche bekant
105
Nw byn ich von dem tode gefelt
Vnd hie yn seynen tancz geczelt
115
Her rytter ir seyt an geschreiben
Das ir nw ryttirschaft must treiben
Mit deme tode vnd seynen knechten
Euch hilft wedir schympf noch fechten
Ich habe als eyn strenger rytter gut
120
Der werlit gedynet yn hoem mut
Nu byn ich wedir rytters orden
An dezen tancz getwungen worden
Tanczt mir noch her kogilweyt
Wy wol daz ir eyn apt seyt
Ir must des todis regil halden
110
Der wil ewers leybis walden
Ich habe vil monche als eyn apt gelert
Gar strenge dirczogen vnd wol gemert
Nu byn ich selbir hie betwungen
Vnd mit des todis regil gedrungen
Das ortil yst alzo gegeben
Das ir lenger nicht sullet leben
125
Her iurist das tut des todis craft
Mogit ir zo beweist ewr meisterschaft
Keyn appelliren czu deszir czeit
Hilft vor todis harten streyth
Her obirwint myt seynem geslecht
130
Das geistliche vnd das wertliche recht
Her korpfaffe habit ir gesungen vor
Sußen gesang yn ewrem kor
So merkt off meyner pfeyfen schal
Die vorkundit euch des todis val
135
Ich habe als eyn korhirre frey
Gesungen manche lipliche melodey
Des todis pfeyfe stet deme nicht gleich
Sy hot zo zere dirschreckit mich
Her arczt thut euch selbir rat
140
Mit ewir meisterlichen tat
Ich füre euch czu des todis gesellen
Dy mit euch hie tanczen wellen
Ich habe myt meynem harnschawen
Gesund gemacht man vnd frawen
145
Wer wil nw machen mich gesund
Ich byn czu deme tode wund
Komet her ir edler man
Ir must der sterke pflegen an
Mit deme tode der nymandis schont
150
Legit ir nw oben euch wirt gelont
Ich habe manchen man dirschreckit
Der wol was mit harnisch bedeckit
Nu irschreckit mich hie der tod
Vnd brengit yn die engistliche not
155
Edil frawe tanczt noch ewrem synne
Bas dy pfeyfe rechte don gewynne
Sy hot der frawen vor vil betrogen
Die allir der tod hot hyn geczogen
Ich solde treyben iuchczens vil
160
Sehe ich vor mir der freuden spil
Des todis pfeyfe mich betreuget
Der tanczgesang hie felschlichen leuget
Her kawfman was hilft euch ewir irwerben
Dy czeyt ist hie das ir must sterben
165
Der tot nympt wedir gut noch goben
Tanczt mir noch her wil euch haben
Ich hette mich czu leben vorsorgit wol
Das schrein vnd kasten weren vol
Nu hot der tot meyne gobe vorsmacht
170
Vnd mich vmb leib vnd gut gebrocht
Wolher aptheker an meynen tancz
Seyn nw die species schyre gancz
Dy do synt wedir todis craft
Beweyst nw ewir meysterschaft
Ich kunde syrop vnd confect machen
Electuaria vnd vil ander sachen
Wer nw erne eyns gut vor den tot
Is wer mir czu dezer stunden not
Fraw nonne ir dunkit euch subtil
Dezen reyen ich mit euch tanczen wil
Werft von euch den scapular
Ir must hie mit den toten farn
175
Ich habe yn dem closter meyn
Gote gedynet alz eyn geweytis nonneleyn
Was hilft mich nw meyn beten
Ich mus des todis reyen treten
Koch du kanst gute pfeffirlyn machen
Hoppe off ich wil dich besachen
Dy do vorne an dem reyen sleichen
190
Den saltu pfeffirlyn ÿn streichen
[Ich h]abe irlert vil pfeffirsecke
[Vnd g]emacht manch suße gelecke
[Vnd] kud ich des kostlyns nye fynden
[Do] methe ich den tot möchte obirwynden
195
Pewrlyn mit deynen schuen grob
Rawsche her du must irwerben lob
An dezem tancze do hyndin
Do wil der tot dich fynden
Ich habe gehabt [vil arbeit gross]
200
Der sweis mir du[rch die haut floss]
Noch wolde ich ger[n dem tod empfliehen]
Zo habe ich des glu[cks nit hie]
Hynke her an myt deyner krucken
180
Deyn ding das wil sich gelucken
Dich haben die lebenden nicht vor gut
Der tot dir besundern gnade tut
Eyn armer geiler hie ym leben
Czu eynem frunde yst nymande eben
185
Abir der tot wil seyn frund seyn
Her nympt den armen mit dem reichen hyn
Nw sweiget vnd lot ewir krigen
Loft dem kinde noch mit der wygen
Ir must alle beyde an desen tancz
Fraw lacht zo wirt der schympf gancz
215
O kind ich wold dich haben irlost
Nw ist empfallen mir der trost
Der tod hot das vorkomen
Vnd mich mit dir genomen
Kreuch her an du must hy tanczen lern
Weyne adir lache ich hore dich gern
205
Hettistu den totten yn dem munde
Is hilft dich nicht an desir stunde
Awe liebe muter meyn
Eyn swarczer man czeut mich do hyn
Wy wiltu mich nw vorlan
210
Nw mus ich tanczen vnd kan noch nicht gan
Footnotes: (1)