Kienzheim's dance of death, The text

Folgt der Toden Dantz,
wie er zu Köntzen ihm
Kreutzgang stot.

I. Einleitende Bilder.

1. Bild.

Hie goht der pfarher oder der predicant die Cantzel stëg¹ hin vff, in einem v̈berück² vnd mit der rotten sam̅atten stolen,³ vnd wil bredigen.

volgt im der dot nach die stägen vff vnd hinck⁴ vnd hat ein kruck⁵ vnder dem rechten arm, vnd ein stund glass,⁶ in der linken handt, treyt⁷ er embor im nach.

¹Treppe zur Kanzel. ²Ueberrock. ³rote samtene Stola, eine lange, handbreite Binde, die bei dem Priester über beide Schultern und die Brust kreuzweise herabhängt. ⁴hinkt. ⁵Krücke. ⁶Stundenglas = Sanduhr. ⁷trägt.

Hie sitzen zwů altte nunnen oder bëgynen⁵ vnder der kantsel stëgen vnd schwatzen mit einander, hebt inen der tyffel⁶ die köpff zammen vnd wert⁷ inen die mucken⁸ mit einem muckenwadel.

Hie hebt der pfarher an zu predigen:

Sanct Jheronimus: ist mit einem Cardinal hůt vntz¹⁴ an die brust gemolt, vnden an der spruch,

¹schreiet. ²lauter. ³euch. ⁴dass. ⁵Nonnen oder Beghinen. ⁶Teufel. ⁷wehrt. ⁸Fliegen. ⁹in ganzer Treue, in voller Treue. ¹⁰sollt. ¹¹schauen. ¹²geht. ¹³lässt. ¹⁴bis. ¹⁵habet, haltet Ruhe. ¹⁶Ueber euere Sünden habet Leid.

Sanctus Bernhardus ist mit blosem houbt,⁵ vnd mit einner schwartzen kutten gemolt vntz an die brust, wie ein augustiner münch.

2. Bild.

Hie heben an vil dotten vnd pfiffen den dantz an mit drumethen,⁶ mit scharmygen,⁷ mit zincken, mit hör hornn,⁸ mit gygen, Lutten, Hackbred, Lyren, mit Trumen vnd pfiffen, Busunen⁹ vnd hörtrummen;¹⁰ vnd ist einer do, der dylbt¹¹ dz grab mit hougen,¹² kerst vnd Schufflen vnd spathen, die andren tragen mit dotten boumen¹³ zü, vnd ist dz ir spruch,

¹Setzet euere Lust noch Freude nicht auf Gold. ²der sich zur Zeit (vor, vorher, ehe die letzte Stunde kommt) dazu rüstet. ³Ohren. ⁴das am jüngsten Tag erschallen wird. ⁵entblösstem Haupt. ⁶Trompeten. ⁷Schalmeien. ⁸Heerhörnern. ⁹Posaunen. ¹⁰Heertrommeln. ¹¹gräbt. ¹²Hauen. ¹³Särge. ¹⁴von. ¹⁵schon vnd kruss = schön und kraus oder hässlich.

3. Bild.

Hie lüt ein todt im grab, ist vol schlangnen, krötten, würm, sagt den spruch, an einem langen zedel

II. Eigentlicher Totentanz.

Hie vahet¹ der Todt an vnd kumbt vnd sůcht einn yeden in sinem stand vnd mit sinem seyttenspyl, do mit das im² keiner vss blipt, nach³ bapst, keyser, vnd köning, vnd fahet an dem heyligen vatter, dem Bapst, an, vnd goht ein nander nach, Alss man es harnach finden vnd hören würt.

1. Bild.

Hie kumpt der tod zů dem Bapst mit einem banner, zwein schlyssel dorin Crütz wiss, vnd ein stund glass in der rechten hand, ein harpffen in der lincken hand, vnd henken⁴ im die kutlen⁵ zu buch⁶ herruss vnd dryg schlangen zů dem hertzen haruss vnd zů denn sytten vnd zů den schencklen.

¹fängt. ²damit dass ihm. ³noch (weder). ⁴ hängen. ⁵Gedärme. ⁶Bauch. ⁷seid. ⁸Billig habt ihr mit mir den Vortanz, den ersten Tanz. ⁹angelegt. ¹⁰geniessen.

Der Babst stoht mit alben,¹ rot sammat Stolen, manipel,² ein grüenen sammanten Leuiten rock, ein rotten sammatten manttel, mit hendschů, guldenen ring an den fingren, ein dryfeltige guldine Cron, ein stab mit einem zwyfeltigen guldinen Crütz.

2. Bild.

Hie kumbt der tod zů dem keyser mit einer trumeten, mit einem gëlen fenlen,⁶ mit dem adler am fenlen gemalt, vnd mit einem wisen sidenen binden vmb sich gewycklet, vnd ein grose krodt⁷ am hertzen sitzen.

Der keyser stot In Roten Hosen, vssgeschnitten schůhen, Greün sammat wambscht, ein langner rock, von einem guldenen stuck gemacht, mit guldenen knöpffen oder hafften, mit kostlichenn

¹Albe, das unterste Amtsgewand des celebrierenden Priesters, aus weisser Leinwand bestehend. ²Ein reich ornamentierter Bandstreifen mit breiteren Enden, der bei der Messe an dem linken Arm getragen wird. ³war. ⁴Pfründen. ⁵meine Sünden sind. ⁶gelben Fähnlein. ⁷Kröte. ⁸verschmähe. ⁹euere. ¹⁰berufen.

fehen¹oder marder gefiettert,² mit einem yberschlag, mit einer guldinen ketten, einem guldenen apffel, einem guldinen zepter, ein guldin schwert, ein Schone guldenin Cron.

3. Bild.

Hie kumbt der todt zu dem Cardinal vnd schlecht⁵ sinen lincken arm dem cardinal vm sinen rechten arm, vnd sind im die schlangnen vm die bein vnd durch die macht⁶ geschloffen⁷ vnd by der weych hin nyn, by der brust haruser, vnd vmb den halss gewycklet, vnd krümbt dz mul, kert dz haubt von im die ougen, sitz der kopff vol kleiner krötten, treyt ein trumschyt⁸ swyschen den beynen oder füesen mit einer schwartzer syden binden vm den halss, der fysel bogen⁹ mit einem dottenbein.

Der Cardinal stot in einer sammatten, rotten, langnen schuben oder rock, mit einem wisen kutzhut¹¹ mit

¹Hermelinpelz. ²gefüttert. ³Waisen. ⁴Leute. ⁵schlägt. ⁶genitalia. ⁷geschlüpft. ⁸trumschit = trumbelschit, monochordium, Fidel s. Lexer. ⁹Fidelbogen. ¹⁰geregiert. ¹¹Hut von Fell, rauhem Pelz, s. Lexer.

kostlichem beltzwerck als die thumherren¹ vnd graffen tragen, die wambst ermel von einem güldenen stück, in der mitten durch den rock gestossen, ein sylbren stab mit einen einfaltigen guldenen Creütz, ein roten cardinal hůt mit zweygen spytzen, mit einem langnen roten schnůr.

4. Bild.

Hie kumpt der tod zů der keyserin vnd hat einen krantz vff mit rotthen grassbluommen⁴ vnd grifft sig mit der lincken hant an da vornan in der weichen vnd zeygt ir mit der rechten hant mit den zweygen fiertesten vingren vff zům rymen⁵ vnd stot mit dem rechten fůss vff einer kugel vnd hat ein lut vor in⁶ vnd ein hübsch wiss sydenen bing⁷ vier elen lang durch die bein vm die zwein arm vnd vm die schultern vnd halss.

Die keyserin ist geziert mit einem wysen dammasten rock, mit IIII greüner atlassen plegen,¹¹ die

¹Domherren. ²Geschenke. ³zu Grunde geht (ging). ⁴Nelken. ⁵Mit den zwei vordersten Fingern auf zum Reim, Spruch, der über dem Bilde geschrieben steht. ⁶eine Laute vor sich. ⁷Binde. ⁸still. ⁹berührt. ¹⁰heute. ¹¹Plege = Belag, Verbrämung.

Ermlen zerhogen¹ vnd vntz an die Elenbogen mit einem guldinen stuck vnd hinder den Elenbogen einer handbreit ouch, vnd mit einem kleinen guldinen kettenring vnd ein grosse mit zwyfachen grossen guldenen ringnen, durch ein nander gegossen, guldene bengnel² vff dem halss mentlin vnd guldinen agnus dei oder zeychen, ein grossen guldinen gürtel vnd schů mit wissen ingesetzten leplen, ein guldene gdoppeltte Cron vnd weint.

5. Bild.

Hie kumbt der tod zu dem künig vnd hat ein pfiffen fuotter an vol pfiffen vnd hebt den rechten fuoss vff hindersich an den arss vnd pfyfft im vff dem zincken, Buck⁴ den buch fir sich vnd den kopf hinder sich, dz im die kutlen zům buch harusser gond.

Der könig ist bekleidet mit wiss vnd roht geteilt hosen, vsgeschnitten schů, ein langnen greünen sammatten dammasten rock, die arm durch die Ermlen gestossen, die wambst ermel von einem

¹geschlitzt. ²wohl Bänder. ³wenig. ⁴beugt. ⁵lasset ⁶seid. ⁷gehet.

guldenen stuck, ein lang breyt schwert mit einem guldenen ort band¹ in der mitten alss lang dz besteckt ist alss mit gold beschlagen, Crütz, knopff vnd mittel alss mit golt, ein guldenen apffel, ein gulden zepter, ein guldin Cron, ein langs goltzs gelss,² kruselechs hor,³ ein gross vnd ein kleine güldenen ketten mit gedoppelten breytten ringen, dz hembt mit einem güldenen kragen.

6. Bild.

Hie kumpt der todt zü dem bischoff vnd nimpt innen by einem schlempen⁶ am bischoffhůt mit der lincken handt vnd zycht inen zů im vnd wil im etwaß sagen; vnd mit der rechten hant by sinem rechten arm vnd spert dz mul wit vff, daz man im alle zën⁷ im mul sicht, vnd schlang in ein recht or mit dem kopff zů der gurgel harus, hat iren wadel vmm iren kopff gewyckelt vnd ein⁸ schwartz krot zü dem halss haruss vnd ein schlang zu der lincken brust mit dem kopff vmm den rechten arm gewyckelt vnd stont im die rip oder buch gar offen, von der brust vntz zů den beynen ist im ein schlang vmm beyde schencklen gewickelt, hat ein orgel zwyschen den knugen⁹ vnd den füessen vnd trydt¹⁰ dem byschoff vff die alb am Leuiten rock.

¹ort-band — eisernes Band an der Spitze der Schwertscheide. ²goldgelb. ³krauses Haar. ⁴sehe. ⁵spricht. ⁶Schlempe = metallenes Scharnierband an Zimmer- oder Kastenthür; dann die Schliessen an Büchern und Gürteln; hier metallene Schnalle am Hut ⁷Zähne. ⁸lies: ein schlang ins? ⁹Knieen. ¹⁰tritt. ¹¹Neue Märe.

Der byschoff stot Trurenklich² mit geneygtem houpt gegenn dem tod mit v̈ber ein ander geschlagenen henden an sin hertz, mit schwartzen schuhen, mit wissen alb, mit greünem sammatthen leuiten rock, mit rottem sammatten Chormanttel, rottem byschoff huot, mit goldt vnd edelem gestein, ein rotthen stab, mit einem wysen nasen deychlin,³ mit einem kugelechten und radechtigen⁴ guldenen gelen knopf, den Chormantel mit guldenem vnd edel gestein, den schlempben⁵ zweyer fingner breyt, do man dovornen die hafften in tuoht.

7. Bild.

Hie stoht der tod dyr⁹ vnd nacket by dem hertzog vnd kört im dem¹⁰ rucken vnd hept den lincken fůss hoch vff vntz an den arss vnd byt¹¹ dem hertzog die hand hinder sich vnd nympt den hertzog by der rechten handt vnd hat einen grossen zincken in der lincken hand hoch über sich vnd hat einen kleinen zincken zwyschen im vnd des hertzogs füessen ligen vnd hat einen kalen kopff vnd ein wenig hor vnd kurtz, alss wer es ime vsgefallen, vnd hat dz mul offen.

¹beyten, biten, mhd. = warten. ²traurig. ³Nastüchlein, ⁴also kugel — radrund ⁵Schnalle am Chormantel. ⁶Fahren. ⁷auf dass ich allein leben bliebe und mich von Sünden rein machen könnte, ⁸Geiz. ⁹dürr. ¹⁰den. ¹¹bietet.

Hie byd im³ der hertzog die recht handt vnd hat zwein linsch⁴ wisen hosen an, ob den knügen⁵ ein wenig zer schnetzlet, mit wisen syden gefüettredt, zwein vssgschnitten schů, ein wolckes⁶ wiss damasten wambst; ein lyb farwen vnd greünen langnen sammatten rock mit langnen Ermlen, ein lang schwert zwyschen den beinen, mit golt beschlagen, ortband, mittel dz besteck, Crütz, bogen, knopff, dz wambst vnd hembt, einen guldinen kragen, der rock mit drygen⁷ rotten sammattenen plegen oder gebrembt, ein gstrickte guldein hub,⁸ ein rot sammat barreyht⁹ mit einem guldinen langnen schnuor, ein guldene ketten vm den halss zweyger zwërch finger breygt, der rock mit schwartzen sendel¹⁰ gefietterdt.

8. Bild.

Der tod wil den graffen vnd rytter mit der lincken hand an gryffen; so hebt der groff im die handt vnd stosset sie ime dart ussen, vnd wert¹⁵ im, er sol inen nit angriffen; hat der tod noch ein wenig wiss hor vff dem kopff, alss ob er es lang nit gestrelt¹⁶ hatte,¹⁷ ein schwartze krot zů dem rechten

¹so rufet Gott an. ²gehöret. ³bietet ihm. ⁴leinene (lündischce) ⁵Knieen. ⁶wolkiges ⁷dreien. ⁸Haube. ⁹Barett. ¹⁰Sendel, Zindel, ein indischer Seidenstoff, sowohl für sich, als auch zu Unterfutter gebraucht. ¹¹(ge)regiert. ¹²Turnieren. ¹³beizen (= mit Falken jagen). ¹⁴vertrieb. ¹⁵wehrt. ¹⁶gestrählt, gekämmt. ¹⁷hätte.

backen harus, ein jëger hornn¹ mit einer sydnen schwartzen bynden am rucken hangnen, ein schlang vm den rechten arm, alss lang er ist, ein todten bein oder schenckel, in der rechten handt, wolt den graffen mit schlagen, hencken im die derm da vornen zům buch haruser vnd got mit dem rechten knüw² vff einer hiltzenen styltzen,³ hat den fůss hinden vs hencken, streckt sinen lincken zwischen des rytterss linken fuss.

Der groff vnd Ritter stot jung, hübsch vnd strack vffrecht in gelen⁵ hosen vnd vssgeschnitten schůhen, einem rotten sammatthen rock, mit einem v̈berschlag, vnden mit einem Som,⁶ einer hand breyt, mit blouwen sammat, den rock zů gegyrtet vnd dz schwert an der lincken hand vnd sythen vnd mit golt beschlagen, ortband mitten knopff alss besteckt, Crütz vnd bogen vnd ein gel dammasten wambst vnd stost dem tod mit der rechten hand, er sol inen nit an ryerhren,⁷ dz hembt oder wambst mit einem guldinen kragen, ein gedoppelte krume guldene ketten mit grossen ringnen, ein kurtz Cruselechten⁸ falben bart, ein blüwe⁹ sammathen hub,¹⁰ dz har darin in gebunden, ein gels zerschnetzlet sammat bareyt vff.

¹Jäger- oder Jagdhorn. ²Knie. ³hölzernen Stelze. ⁴Vor euch sind viele hingefahren. ⁵gelben. ⁶Saum. ⁷rühren. ⁸kraus. ⁹blaue ¹⁰Haube. ¹¹slid so gut! ¹²Verzeih. ¹³stets. ¹⁴Unterlass.

9. Bild.

Hie stot der tod gegem dem apt vnd hept dz linck bein hoch hinder sich hinder dem rechten bein vff vnd streck den grossen zehen v̈ber andren zehen alle, vnd am rechten fůss hat er ein spilbret ligen wyss vnd schwartz, vnd man sich im alle ryp² vnd drig schwartzen thierrer³ zům hertzen haruss vnd vmb die gurgel vnd buck sich mit kopff wit hinder sich vnd hat dz mul wyt vff vnd ein horn in beyden henden vnd blosst es v̈ber sich, vnd ein grosse greüne frosch krücht⁴ im zů dem rechten or haruser, der kopff da vornen kal, dohinden henck im grauw oder wiss har dran.

Der abt ist ein altter, starcker, langner, feysster, dycker, grouwer man, hat ein langne schwartze kut an mit witten grosen ermlen, ein wyss wambst Ermel, hat ein rotten stab mit einem sylbren krummen kopff oben vff vnd ein wiss nasen dyechlin⁸ dz houbt beschoren, aber die Cron oder blat gar grauw vnd winck dem dotten mit der rechten handt oder verspricht im, er hab sinen stand nit gar wol gehaltten.

¹in meinem Mut, Sinn betrieben habe. ²man sieht ihm alle Rippen. ³Tiere. ⁴kriecht. ⁵Keuschheit. ⁶Mönche. ⁷letzten. ⁸Nasentüchlein.

10. Bild.

Hie stot der todt am ruck⁴ vffrecht vnd hat nit dan dyrre ryp an in,⁵ hebt den rechten fuoss vff vnd krimbts⁶ vnd stelt den rechten fuoss an sin linck knůg,⁷ vnd hat ein hörtrummen⁸ davornen an in⁹ hencken vnd henck dz mul wyt herab, sperts wit vff vnd hat ein gross dottenbein in der hand, do mit er die trumen¹⁰ schlecht,¹¹ hepts in der rechten hand hoch v̈ber sich vnd nympt dem kyrrysser oder stritbaren man sin hallenbarten obenan by dem spytz.¹²

Der stritbar man¹⁷ oder ein kyrisser¹⁸ von houbt an vntz zů der erden, die schů, hend, fiess,¹⁹ Stot dapffer vff recht vnd thůt den helm v̈ber sich und hat die hallenbarten in der rechten hand hart am rechten fuoss vff der erden ston vnd stelt sich hart an oder gegem dem todten vnd sicht inen kecklichen vnd manlichen an, hat ein lang schwytzer²⁰ schwert in der lincken hand mit golt beschlagen, dz ortband, dz besteckt, dz krumm schwitzer krütz hat kein byeglin, einen guldenen knopff.

¹war. ²Die Mette ist die auf 3 Uhr früh fallende hora canonica. ³war mir widerlich. ⁴im Rücken. ⁵sich. ⁶krümmt ihn. ⁷Knie. ⁸Heertrommel. ⁹sich. ¹⁰Trommel. ¹¹schlägt. ¹²bei (an der Spitze) ¹³stritberschaft halten = kämpfen. ¹⁴Ehren. ¹⁵dagegen. ¹⁶büssen. ¹⁷zum Kampf gerüstet. ¹⁸Kürassier. ¹⁹gewappnet. ²⁰Schweizer.

11. Bild.

Hie ist der todt gantz nacket vnd bloss vnd nit offen vnd rippechtig⁴ wie die andren todten vnd hat den pfarher by einem flügel erhëscht⁵ am v̈berryck oder Chorhempt vnd kert sich vm vnd hat den fligel v̈ber die beyde asslen⁶ geschlagen vnd wil mit ime daruon mit der rechten hant, vnd ein grose schel in der lincken handt vnd klinglet dem herren har noch, hat dz mul wit vff, man sicht ime alle zën,⁷ hat noch har am kopff, hebt dz linck beyn hoch vff, setz den fůss vff dz recht bein, vff die mittel ob dem knüg⁸ vnd dantz mit im darvon.

Dissen rymen¹¹ sagt der tod zům moler

¹zu Felde. ²wo ich je im Streite war. ³allzeit. ⁴rippig, die Rippen zeigend. ⁵erhascht ⁶Achseln. ⁷Zähne. ⁸auf die Mitte oberhalb des Knies. ⁹ihr seid geheissen. ¹⁰von weisen. ¹¹Reim, Spruch. ¹²Fürwahr. ¹³eilends.

Der pfarher sicht trurig vff gon himmel, hat schwartze schů vnd rock an, ein yberyck, ein hochs kugelechtzs¹ alt pfaffen heütlin vff, ein sammatten rotten stol, ein kruselechs,² gelb, lang hor vntz für die oren, hat ein bethbuoch mit schwartzem leder v̈ber zoghen in der lincken handt, die recht hand an der brust.

12. Bild.

Hie stot der dot gantz rippig vnd dyr,⁵ ist nit dan bein an im,⁶ kört dem doctor den rucken, man sicht im alle sin zen oben, vnd ist kein lefzen⁷ do, kert sych mit dem halss hindersich zu dem wasser besehen,⁸ hat auch ein plerr vff oder ougen spiegel⁹ vnd hebt dem doctor dz glas hoch vff mit der lincken handt, dz der doctor sol dz wasser besehen, vnd hat er dryg schellen brydschen¹⁰ in der rechten hant vnd schlecht im zů dantz mit vff sim dotten kopff, vnd goht im ein schwartze krot zů dem rechten backen haruss vnd hat ein an der stirnen an der brydschen vnd hebt den rechten fůss vff halber knig an den lincken schenckel.

¹kugelähnliches ²krauses. ³hart. ⁴meine Schäflein hingewiesen. ⁵dürr. ⁶ist nichts als Bein (Knochen) an ihm. ⁷Lippen. ⁸um das Wasser zu besehen. ⁹Brille. ¹⁰ein Instrument. ¹¹medicinum eigentl. Medizin wegen des folgenden gewinn. ¹²Erlangt.

Der doctor hat zwein schwartze schů vnd bandofflen an, ein langnen rotten rock vntz vff die schů, ein schwartzen gyrtel, ein spiegel fůtter am gyrtel, die arm durch den rock ermel gestossen, den rock vmb sich gegyrtedt, hat zwey knebfflen, schwartz wambst ermel, davornen ein knöpfflin, am elenbogen nit zů genegt, hebt dz glass in der rechten hand vnd die linck hand vnden am glass, riert ers an mit den vordren gleychen,¹ hat einen ougen spyegel vff, ein rot, hochs, kugelecht bareyt, ein lang grouw oder wiss hor, ein doctor vff 60 jor alt.

13. Bild.

Hie kumpt der tod zů eynem barfůsser minch vnd erhescht inen mit der lincken handt by der kutten oder kappen vff der rechtten achsslen vnd hat in der rechten handt ein zitglöcklin oder wöckerlin vnd zeygt es dem herren; dz kin henck⁵ im herab, man sicht ime alle zën, hat den lincken fůss dem münch gar für die beyde fües vnd kutten gehept, er můss mit ime gon, oder muss im v̈ber den fůss fallen, solt er vnsenig⁶ werden, hat den lincken schenckel so wyt gestreck, dz ime die dërm vnd kuttlen gar harusser vallen vnd hangnen, ist ein altter mynch.

¹Fingerglieder. ²schauen. ³Gebresten. ⁴Da kenne ich keinen Fund, der mir auf eine Stunde das Leben verlängern könnte. ⁵Kinn hängt. ⁶unsinnig, thöricht (sich zu wehren).

Der Barfůsser her hebt die hend zamen vnd dancket got, hat die kap hindersich gethon vnd stot mit blosem houbt, beschorenen kopff, ein graug har,² ein grauwe kut, einen seylenen gürtel³ mit knöpffenn, zer schnitten schuo, wie dan die franciscus vetter⁴ tragen.

14. Bild.

Hie gryfft⁶ der tot den schultheyss mit der lincken hand vnder dem kin an die gulger⁷ vnd kert dz mul harumer zů dem schultheiss, hat vnden keinen kyffel,⁸ nur obenand zën, ein grose schlang vmm den halss gewyckel, hat dz mul wit offen, die zung streck sich gegen dem schultheyss, ein krot am rechten backen sitzen, der todenkopff hat noch ein wenig har da hinden hencken vnd zeygt mit zweygen finger⁹ mit der rechten handt im v̈bersich an den rymen,¹⁰ hat ein lyr¹¹ mit einem schwartzen sidenen binden am halss hangnen, stot krumb mit dem lincken knüg, ryert¹² dem schulteyssen den rock ann, den rechten fůss hebt hoch vff, hat innen vff dem lincken beyn obend des knüeg¹³ ligen.

¹Gehorsam. ²graues Haar. ³Gürtel aus einem Seil oder Strick bestehend. ⁴Väter. ⁵Gutes. ⁶greift. ⁷Gurgel. ⁸Kiefer. ⁹mit zwei Fingern. ¹⁰zum Reim oder Spruch. ¹¹Leier. ¹²rührt. ¹³Knie.

Der schultess ist ein 60 ior man alt,³ hat ein schwartss kugelechtzs bareyt mit föhen⁴ beltz gefüetterd vff, einen langnen schwartze rock mit föhen gefüetterd mit einem föhen v̈berschlag, hat die arm durch die ermel gestossen; der rock got vntz vff die schů, hat zwein schwartze schuo an, zwei daffart⁵ wambst ermel, leyt sin recht han dem toden vff die linck asel,⁶ als wolt er in gern wegck stossen, mit der lincke hand hebt er im den arm, dz er im die gurgel nit erwürgeht

Hie stot der moler gmolt vntz an die hosen.

¹die Gemeinde wird euch hernach folgen, gehen. ²so wird euch auch ein hartes Urteil zu teil. ³ist ein 60 Jahre alter Mann. ⁴Hermelinpelz. ⁵Taffet. ⁶Achsel. ⁷Geschenke. ⁸Mancher es an seinem Recht spüren musste. ⁹vorwärts. ¹⁰weiss.

15. Bild.

Hie kumpt der todt vnd klinglet dem burgermeyster¹ voranen mit einem dotenbein, hat dryg ring am yssenen dryg spitzigen klinglen, kört im den rucken vnd sicht mit dem kopff hinder sich, hat ein breit wit mul, man sicht im alle zën vnden vnd oben, hat ein schwartze muss² an der stirnen, der lip³ gantz ryppig, hept dz linck knůg an das recht knyg hoch mit dem fůss dohin auff und dantz im voranen.

Hie stot der der Burgermeister in schwartzen schůhen mit einem v̈berschla dohinden, schwartz hosen, ein ziegelfarben rock mit vier falten, do vornen mit einem hafften, einem schwartzen kullen zypffel,¹⁰ ein gross hyltzen pater noster¹¹ in beyden henden vnd zicht die ringler eins nach dem andren, vnden ein hylzen Crützlen am pater noster, ein lang gel hor vntz für die oren herab, ein schwartzen spytzen füllzhůt vff.

¹Soll heissen Statmeyster oder rahther; s. unten. ²Maus. ³Leib. ⁴fehlt im MS. ⁵das Glockenspiel. ⁶Zum. ⁷Stadt. ⁸Um. ⁹Um allen Bürgern . . . . . seid ihr der Gemeinde zugegeben, zugeteilt. ¹⁰Mantelstück, Pelerine. ¹¹Rosenkranz aus Holz. ¹²Stettmeister, Bürgermeister und Ratsherr.

16. Bild.

Hie stot der tod krump mit beyden knygen vnd bygt¹ sich hinder sich mit dem rucken vnd den buch für sich gegen den statschryber, dz im die kutlen vnd gderm² vnder die bein hencken; heb dz linck bein vnd knyg hinder sich vff vntz yber dz recht knig vnd bück dz recht knig och vnd hebt einen wisen zedel³ in beyden henden, die linck oben, die recht vnden am zedel; henck ein kinds dotten kopff dran vnd hat zwey kleine todten bein Crůtzwiss yberzwerch im mul in den zennen; hat am rechten arm ein langs dotten bein zů einem schrybzüg, ist ein knüg schenckel, hat zwů fedren im schrybzyg, hat einen dotten kopff zů einem dynten hernlin,⁴ henck an eynem schwartzen sydenen schnůr vnd hat zwuo storcken fedren⁵ im hörnlin stecken; hat ein wyt mul, man sicht ime die gurgel im mul vnd alle zën; geht im ein krot zů der Nasen haruss vnd by dem rechten or loch ouch ein krot und hat noch har am kopff, aber nit vil, ist am kleinen zedel geschriben: Ich sag dir, in kurtzer frist der todt dir nach ist, du sin eygen bist,

Der statschryber hat ein kragen hempt¹¹ an, dz har in einer guldene hub¹² gebunden, ein gels hor, kört dz antlit¹³ von dem totten, hat ein rot pareyt¹⁴ vff mit schwartzen sydenen bengnel¹⁵ vm zoghen, hat einen langnen rotten

¹beugt. ²Gedärme ³weissen Zettel. ⁴Tintenhörnlein, so genannt, weil man ein hohles Horn als Tintenfass benützte. ⁵Storchenfeder. ⁶Habt ihr Papier und Tinte gebracht? ⁷So schreibt an. ⁸Für das Schreiben kleiner Briefe und an Stelle des verdienten Lohnes habt ihr viel Geld etc. ⁹Feiertag. ¹⁰ginget ihr.¹¹Hemd mit Kragen, ¹²Goldhaube. ¹³Antlitz. ¹⁴Barett. ¹⁵Bändeln.

rock an vntz an die waden, lot die ermel hencken, die arm durch gestossen, hat ein gel fuotter, ein greün atlass wambsthbt ermel; er dyttet¹ dem totten vff den wisen zedel mit der rechter hant mit den findren,² er sol schwygen;³ hat in der lincken hand ein bermendt⁴ zammen gwycklet vnd ein schrybzyg, hat zwein greün hosen an, zwein vssgeschnitten schuo mit rincken.⁵

17. Bild.

Hie kumpt der todt zů einer Bürgerin, eines rychen mans frouw, hat die bein oben hart an ein nander mit gebuckten knigen,⁹ alss ob er tantz, grifft die burgerin mit der lincken hant an vnd nympt sig by dem lincken arm vnd wil sig mit im füeren, gonth im die kutlen zu dem nabel vnd zům buch haruser, hat zwey höltzer vm sich gebunden, dz er dz hackbred doruff leygt oder treygt,¹⁰ hat einen schwartzen yssenen klypffel vnd schlecht ir zů tantz vff dem hackbert vnd kört dz mul von der frouwen, hat dz mul wyt vff, man sicht im alle zënn vnd ein schlang zů dem lincken orloch hin nyn zům mul haruss halber, hat dz mul wit vff vnd streck ein spytzige zung haruss.

¹deutet. ²Fingern. ³schweigen. ⁴Pergament. ⁵Ringen. ⁶Wenn einer meiner Diener und Vertreter mir eine Pergamenthaut vollschrieb, einen grossen Gewinn ich davon nahm. ⁷einfaches, schlichtes Bäuerlein. ⁸reuet. ⁹mit gebeugten Knieen. ¹⁰legt oder trägt. ¹¹Kragen mit goldenem Knopf als Zierrat.

Hie stot die burgerin mit zammen geflochten henden, ein rot crallen pater noster¹ mit einem sylberen bissen² knopff an dem pater noster, an beyden henden ein schwartze schub³ vntz vff die erden, zwein schwartze schů, ein rot samatten, guldenen gyrtel, ein sammaht goller mit einer föhenen brog⁴ mit zweygen guldenen knöpffen oder hafften, Einen gelen schlieger⁵ vmb dz kyn mit einer guffen⁶ an der lincken sytten an gehafft, hangt ir davornen harab vntz an den gyrtel vnd sicht den dotten dapffer an.

18. Bild.

Hie kumpt der tod mit einem gantzen plutten⁷ kopff, ein langne gurgel, hat nur die iiii zën oben, man sicht im alle ryp gar woll, nimpt den waltbruder by der rechten hant mit syner lincken hand, kört sich besytz⁸ zů im, alss wolt er ime etwas sagen, hat ein Crucifix in der rechten hand an der schultren, hebt den rechten fůss hinder sich vff hinder dem lincken bein schier byss in die dycken⁹ hyn vffen, doch fart er für vnd vir, alss wolt er fürsich tantzen.

¹Pater noster oder Rosenkranz aus Korallen. ²weissen (silberweiss)? ³Schaube = weites, langes Ueberkleid. ⁴Besatz. ⁵Schleier. ⁶Stecknadel. ⁷bloss, nackt. ⁸seitwärts. ⁹wohl Oberschenkel.

Der waltbrůder stot in einem langnen grouwen rock, oben ein kap dran, got buckelecht,³ gwyllig⁴ gegen dem Tod, gybt dem tod die recht handt, hat ein hyltzen pater noster am arm vnd mit einem hyltzenen Crützlin, hat ein langnen wisenen bart, ein grouw genëgts heütlin vff, ein wiss hor drunder vntz an die oren, ein hiltzen krygtlin,⁵ mit eim ysenen ring vnd stahel⁶ vnden beschlagen, hat er in der lincken hand vnd zwein reymlen schů⁷ vnd dantz oder volgt dem todt noch.

19. Bild.

Hie kumpt der todt hinderwerck¹³ hart¹⁴ an den wuocheren vnd streckt sin linck bein zwyschen des wuochererss zweyen beynnen, halt dz recht knüg krub,¹⁵ alss wolt er für dantzen, vnd schlecht den lincken arm vm des wůchererss halss vnd arm, und mit sinem rechten arm nimpt er des wůchererss rechten handt vnd zerts im dart vssen, hat er erst ein handuol duck-

¹verhult, wohl von verhulden, huldigen, homagiare. ²Ruhe. ³geht buckelig. ⁴willig ⁵wohl Krüglein. ⁶Stahl. ⁷Riemenschuhe. ⁸Bruderhaus. ⁹in meiner Klause ¹⁰unklar, vielleicht: Mit Willen d. i. gern betete ich Nacht und Tag, hatte dabei aber selten gute Speise ¹¹auf Veranlassung Gottes. ¹²ihrer. ¹³hinterwärts. ¹⁴nahe. ¹⁵krumm.

katen vnd cronen im seckel genummen, hatz es wöllen zalen, verzetlet zehen Cronen oder gelen stuck, hat hor am dotten kopf, ein breydt mul, man sicht im die zën am vndren vnd obenand kyffel,¹ hat ein sack pfyff² mit fünff rörehn³ am halss mit einer schwartzen sydenen binden am rechten arm hencken, gonht die zwey grösten ror hinder sin kopff hart an des wuocherers kopff und huben an rierrend.⁴

Der wůcherer stot gar zů ruck gegen dem totten, hat zwein rotten hosen an, zwein vssgeschnitten schuo mit reimlen,⁹ einen greünen samatten woppen rock, die Ermel vntz an den elen bogen, ein rot sammat wambst an, eynen sylbren dolchen am rucken, ein schwartzen sydenen gyrttel, ein rotte sammatten taschen; In der lincken hand ein sack mit duckaten vnd Cronen einer spannen lang, sammatten hub¹⁰ vff, die recht hant hat er erst vol Cronen genummen vss dem sack, wolt sie zalen, nympt im der tod die recht hand so grymeklich, dz zehen stuck geltz entpfallen, Alss kört er dz antlyt von dem tod, er krympt worlich das mull hëfftig.

¹Kiefer. ²Dudelsackpfeife. ³Röhren. ⁴in rührender Weise. ⁵Truhen. ⁶Begnügen. ⁷Geiz. ⁸irgend einem andern. ⁹mit Riemen. ¹⁰Haube. ¹¹Hölle. ¹²Wein. ¹³deshalb. ¹⁴teuer.

20. Bild.

Hie kumpt der tod zů dem handwerkssman vnd hat einen halb messigen anster¹ im mul mit ein langen storcken halss,² vnden einen zapffen eins fingerss lang, vnd pfifft ime zů dantz do mit mit beyden henden, man sicht im nur die obren zën, hat noch mehr hor am dottenkopf, hebt dz recht knüg vnd fuoss hoch vff, als er dantz, dz ime der buch vff schlitz vnd ime die kuttlen zů dem buch harussen hencken, ist nit so gar ryppig.

Der hantwercksman stot wacker vnd dapffer vff recht, hat wiss vnd lipfarb⁵ hosen getheylt an, vssgeschnitten schůhen mit rincken vnd ryemen,⁶ hat ein liprock an mit ermelen vntz an den elenbogen, da vornen mit knöepfflen zů gethon, hat ein wiss wambst ermel an mit rothen atlass, ringss wyss vm gebrempt mit IIII plegen, dz hor in ein schwartze sydene hub gebunden, ein rot linsch bareyt,⁷ henck ein schnider scherlin doran, hat ein hammer in der lincken hand, hat ein fel vor im wie ein kyeffer,⁸ ein kiefermesser vnd scheyd, ein hand schlegel im gürtel stecken, ein huob ysen vnd ein hëmerlin, do mit man die ross ysen vff schlecht, hat ein zymer axt in der rechten hant am rechten waden vff der erden stonh, hat ein murer köll⁹ zwyschen den zweygen waden ligend, ein schůmacher all¹⁰ am rechten schuo an der versen stecken, [ein Schermesser] vnd ein schermesser vff dem rechten fůss by dem schů reymen.

¹Gefäss (aus Messing) mit engem Hals, s. angster bei Lexer. ²Storchenhals. ³Fürwahr. ⁴er hatte kleine Kosten und liess sich (viel) baares Geld geben. ⁵leib- oder fleischfarbene. ⁶mit Schnallen und Riemen. ⁷leinenes Barett. ⁸Küfer. ⁹Maurerkelle. ¹⁰Schusterahle.

21. Bild.

Hie kumpt der tod zů einem starcken rebburen² vnd nympt im dz karst helb³ in sin recht handt vnd spert dz mul wit vff, hebtss gegen dem buren, alss wolt er ime etwass sagen, hat nur VI zën vndten vnd obend, gar ein plutten kopff, man sicht im am rucken alle ryp, hat ein flesch,⁴ ist plechen, in der lincken hant, hebt sig hoch über den kopff vff, krycht ein schlang vsser der fleschen vnd wil dem buren zů trincken geben, hebt den rechten fuoss hoch vff, reührt⁵ den buren schier an den rock mit dem rechten knüg, krycht im ein schlangen kopff zů dem affteren haruss, krycht im v̈ber den rechten schenckel, thuot dz mul wyt vff vnd pfysst yber den buren, hat dz linck bein ouch krum gekrympt, alss wolt er tantzen.

Der reb bur hat zwein growe hosen an, zwein zwilchen yber strimpff an mit schwartzen bendlen gebunden, gebunden vnder den knygen, hat vssgeschnitten schů an, ein grows röcklin mit iiii faltten, ein gyrtel daryber, ein lang hor vntz für die oren, ein schwartzen spytzen fyltzhuot vff vnd sicht den dotten këcklichen

¹rufen. ²Rebbauern. ³Karststiel. ⁴Flasche aus Blech. ⁵rührt. ⁶üble, schwere Zeit. ⁷Zehnten.

an, buck¹ sich nohe zů dem lod, hat ein nuwer houw² vff der rechten asslen,³ hept dz helb⁴ mit der rechten handt vnden vnd den karst vff der lincken achsslen, hebt dz helb mit der lincken band, ein rëbmesser am rucken vnder dem gyrttel stecken.

22. Bild.

Hie kumpt der tod do her tantzen geyen dem lantzknecht, hept den lincken fuoss vff vntz an den rechten knüg gnick⁷ vnd stosst mit dem knieg dem lantzknecht an sinen rechten schencklen vnd stot mit rechten schenckel lang, doch ein wenig geneygt; hencken im dz gëderm zů den buch haruser, hat ein degen schëyd mit einer sidenen⁸ vmb den buch yber die kutten gebunden an der lincken sitten, man sicht im vil ryp, hat ein lang dotenbein für einen degen vsser der scheyden gezogen vnd füert einen starcken streych mit beyden henden hinder sim kopff hër vnd hat dz mul wyt vff gespert, dz man im vndten vnd oben zën sicht, ist ein schlang zu dem rechten orloch hin nyn, zům mul harus, vm den lincken arm harus vnd streck den kopff gegen den lantzknecht vnd pfysst yber in mit einer langne spitzigen zungnen; ist der schlangnen wadel noch einer spanen lang nit drynen,⁹ hat gar einen kalen dottenkopff.

¹bückt. ²Haue, Hacke. ³Achsel ⁴Stiel (Halm). ⁵reuten, ausreuten, roden. ⁶ernährt. ⁷Kniekehle. ⁸fehlt "Schnur". ⁹drinnen. ¹⁰warte. ¹¹schmiegen.

Der Lantzknecht stot strack vffrecht, hat den dëgen in der rechten handt vff dem latzen³ ligen, ein hallenbarten in der lincken hant, hat ein sammat wambst an schwartz, einen knebelbart vnder der Nasen, sunst glat, keinen bart, ein rot bareyht zerschnëtzlet, mit schwartzem sammat vm leyt, ein langne wyse stracke strauss fedren druff, ein rot gesess, III molen zerhogen mit einem hogysen, eins dumens⁴ breyt, mit einem grüenen fuotter oder vnder zugck, zwein rothen strympff, vff dem knüg zerhogen, eins fingers lang, mit greünen sydenen hosen bengnel⁵ geknypfft, schwartze vssgeschnitten schuo one rincken vnd reymen,⁶ er sicht worlich den todt sur⁷ an, er wyl nit, dz er zů im gang.

23. Bild.

Der tod hat hie einen jüngling mit siner lincken handt by der rechten hand erhëscht¹⁰ vnd dantz mit im daruon, hept den rechten fuss vff hinder sich vntz yber daz linck knüg, ist in der weichen vnd brust ytel¹¹ ryp vnd ryp, hat in der rechten hant ein scharmygen¹² vnd pfifft dem jünglin vff der scharmygen, kört sich mit dem halss vm gegen dem scharmeygen oder gegen dem jünglin hart an sinem bareyt, man sicht im die zën vnden vnd obenand, im dottenkopff sitz ein schwartze krot am rechten orloch vnd ein an der styrnen.¹³

¹mhd. scharrend verdecken. ²komm. ³Latz, Hosenlatz. ⁴Daumen breit. ⁵Bändeln. ⁶ohne Schnallen and Riemen. ⁷sauer. ⁸Weiche aus! ⁹abdrohen. ¹⁰erhascht. ¹¹eitel = nichts als. ¹²Schalmei. ¹³Stirn.

Der jünglin stot in geteylten wiss vnd greün hosen, zwein breyt gedoppelt vssgeschnitten schů one ryncken vnd ryemen,³ ein rotten langnen rock vntz vff die waden mit einem schwartz scherteren⁴ fůtter gefüertert, mit einem yberschlag, ein wiss kragen hempt, ein grüen atlass wambst, der rechten arm durch den rock ermel gestossen, hebt mit der lincken hand den dëgen by dem hefft vnder dem rock, gibt dem tod die recht hant, kört aber dz antlyt⁵ vom tod, hat ein lang, gelss kruss hor,⁶ ein rot Bareyt.

24. Bild.

Hie kumpt der tod in bruner färb⁷ gemolt zů einer edelen junckfröuwlin, hat einen strogenen krantz⁸ vff, schwartz todten har vff dem kopff, hat ein wyt mul offen, man sicht im alle zën vnden vnd obent, vnd ryert⁹ die junckfrouw mit der gygen¹⁰ an ann die rechte brust vnd gyget ir zů tantz mit der gygen, er ist nit ryppig, aber dyr, dir,¹¹ hencken im die kutlen zů dem¹² harusser, hept den lincken

¹Sei. ²Trauern. ³ohne Schnallen und Riemen. ⁴feine Leinwand, s. Lexer. ⁵Antlitz. ⁶gelbes, krauses Haar. ⁷in brauner Farbe. ⁸Kranz aus Stroh. ⁹rührt, ¹⁰Geige. ¹¹also "sehr dürr". ¹²fehlt "Bauch".

fůss hinder dem rechten beyn hoch vff, als hoch er geschlytz ist, vnd krympt dz recht knüg, alss ob er wolt dantzen.

Die junckfrouw stot gantz traurenklichen gegen dem todten vnd sich inen an vnd weint, hat die hent oder fingner zwyschen ein ander geschlagen, die linck hant vnd arm yber den buch in der weychen³ yber den guldinen gürtell, hat ir geles har in ein guldene hub gebunden, doch goth ein wenig hor by beyden oren, henck harab alss zepfflin, ein greünen krantz mit vil rotten grassblumen,⁴ ein wiss halssmendlin⁵ mit einem schwartzen, sydenen bengnel,⁶ rings wyss vmmer, mit einem sidenen schwarlzen kragen, einem greünen sammathen oberrock, vss geschnitten mit sammat vmleigt vff die brystlen lang vntz vff die erden vnd schů mit ingesetzten wissen leplin, ein guldinen gürtel, der schlemppen⁷ henck an der lincken sitten, sind die ermel am elenbogen abgehouwen, dz hempt am elenbogen gerysspelt, der rock ermel mit einem houw ysen geschnetzlet vff der schulter vnd bym elenbougen,

¹Euere Kurzweile und Freuden auf Erden werden euch in Leid ausschlagen. ²Putzen, schmücken, schniegeln. ³über dem Bauch in den Weichen. ⁴rote Grasblumen sind Nelken. ⁵Halsmäntelein. ⁶Bändel. ⁷Schless. Schnalle. ⁸zulieb. ⁹Lieder. ¹⁰Gottes

25. Bild.

Hie kumpt ein wyser dot vnd nympt ein kind oder knëblin mit der lincken hant by dem rechten hendlin vnd dantz mit jm daruon, ist gantz rippig, schrenck dz linck bein vber dz recht bein hat ein windloffer oder mül¹ mit einem gemolten rotten stecken jnder rechten hand, vnd buck sich wit hinder sich nyder, dz er dz knëblin kan füeren, hat ein schwartz ding vnder der gurgel, bleck die zën, ist ein schwartz mönen oder krotten am rechten or loch, hat vier karten an der windt mülen.

Das knëblin sitz vff einem hyltzenen ross oder stecken, hat das rösslin ein schwartzen klein zaüm, hat ein wiss hembdlin an mit nesselen důch⁶ gemacht, ist vssgeschnitten, mit schwartzer sydener arbeyt gemacht, vnd an den ermelen dauornen auch vnd am lincken arm offen, ouch mit siden gemacht, den zaum hat es jm lincken hendlin, hybsch rotte Crallen am helsselin,⁷ ein kurtz kruselicht hor, gybt dem tod das recht hendlin oder ermlin.

¹Windloffer oder Mühle (Spielzeug). ²besser. ³Wiegen. ⁴Du stirbst besser in der Wiege, als dass du dich hier mit Sünden beladest, ⁵führe. ⁶Nesseltuch. ⁷Korallen am Hälslein.

III. Schlussbilder

26. Bild.

Hie stondt dryg todten by einander, der ein ist ein langner wisser, strack vff recht gar ryppig vnd hat ein rotte schwëbel pfiff¹ jn beyden henden vnd pfifft zů felt vnd dantz allen dotten. Der ander tod ist gel farb, krympt die beyde knüg, hat ein hübsche rothe trumm,² zwein schwartze klypffel vnd schlecht die trummen darzů, ist ouch rippick vnd sicht sin gesellen an vnd horch gnůg vff sin pfiffen, er hat die zën alle nohe by einander. Der dryt tod ist gelfarb, ist ouch lang vnd hat ein rot fenlin³ jn der rechten handt, einen wysen dotten kopff jn mitteln fenlin, stot hart an der Trummen, die kutlen hencken jm uff die trunz⁴ hat ein wit zenn . . . . .⁵ mul, hor noch am dottenkopf, zeygt mit der lincken hant dem narren v̈ber sich vff den Rymen⁶ vnd neygt sich hinder sich zů dem Narren vnd sagt jm, er sol jm vff die linck achssel griffen, er můss ouch harnoch dz köpffel jm fenlin,⁷ hat zwey dotten bein Crützwiss jm mul vnd zännen.⁸

Disser dryger: Pfiffer: Trummenschager vnd Fennerych spruch, die spruch all stont ob dem houbt gemolt.

¹Schwebelpfiff, jedenfalls für Schwegelpfeife = Querpfeife. ²Trommel. ³Fähnlein. ⁴eigentlich abgebrochenes Speerstück, Splitter. ⁵unleserlich. ⁶Reim. ⁷fehlt ein Wort. ⁸Zähnen. ⁹sei. ¹⁰Weisen.

Hie stot der Narr vnd gryfft dem totden vff die linck achssel mit der rechten hant vnd¹ ein roten langnen zypffel am ermel heraber hangnen, einen brunen narren rock an mit der narren kappen, hat sig vff, zwuo langne gelen oren dran genegt,² zwuo schellen, der linck rock ermel geteylt yber zwerch vmb den arm, gël, schwartz, wider gel, wyss, blouw, gël, schwartz, ein gyrtel v̈ber den rock, ein grosse täschen dran, mit einem grossen gelen rincken, zwein brun hosen an, zwein hohe bundschů, einen kolben stecken jn der lincken hand kötscht er³ har nach.

27. Bild.

Hie stoht der tod an einem Eck oder winckel vnd wart vntz der weybel vnd bot harumer zů jm kumpt ann dz eck, do nympt er⁵ mit siner rechten hant by den hor, by sinem rechten or, ein gantz handuol vnd vm die hand gewyckelt vnd zychtzs jm v̈ber sich vnd zeygt jm mit der lincken hand mit den drigen fingren yber sich zu dem rymen, jst gantz rippig, hat nach alle zën jm mul vnden vnd obendt, hat keinen verloren, hebt dz recht knüg vnd fůss hoch vff vnd stot vff dem lincken fůss, wie ein storck.⁶

¹und hat. ²genäht. ³ketschen = ziehen, vgl Martin u. Lienhart, Wörterb. der elsäss. Mundarten; noch gebräuchlich, ⁴Ungestümigkeit, Leidenschaftlichkeit. ⁵er ihn. ⁶Storch.

Hie stot der bot vnd weybel mit dem weybelstab in der lincken hant, ein botenschilt am rock an der linken brust, hat ein rotz hor,² er rympfft dz mul vnd bleck die zëhn, so hart rupfft jnen der dot bym har, hat ein rot bareyt vff, einen langnen rotten rock mit langnen ermlen, die arm durch die ermel gestossen, die schwartz wambst ermel, ein lang messer zů beyden henden v̈ber den rock gebunden, hat zwein gel hossen an, vssgeschnitten schů mit rincken vnd reymlen, goth jm vil volcks noch, namlich mer dan drissig, hand all die köpff v̈ber vff gon, wöllendt al mit dem botten gohn, zwuo nunnen, der einen sicht man dz antligt³ vnd jren schleyger,⁴ hand alle schů an, die ander Nunn hebt dem weybel vff die linck achssel mit jrer rechten handt, hat einen langnen wisse kut oder rock an, ein schwartz scheppe⁵ am halss do hinden vnd vornen, ein wisen sturtz oder schleyger vff, ein schwartz diechlin vff dem sturtz, ein betbiechlin jn der lincken hand jn einem leder gefasst, der ein hat einen rechen, der ander ein pflägel, hat einer ein gross glass jn der linken hand         ⁶ kan der rechten hand         ⁷ vnd schencket ein zu trincken, hat einen blouwen hout vff, einen langnen wisen rock, ein girtel vnd ein grosse däschen⁸ yber den rock gebunden, hat blouwe hosen an, zwein bundschuo.
Des weybel oder hotten vnd der andren allen antwurt. 27.

¹mit Gewalt anthun. ²rotes Haar. ³Antlitz. ⁴Schleier. ⁵Scapulier. ^6 7unleserlich, M. S. beschädigt, vielleicht: und eine Kanne in. ⁸Tasche. ⁹Unsere Sünden ablassen.

¹beistehen.