Cy apres sensuit La danse macabre aux hommes
|
49
Vous faictes lesbahy ce semble.
50
Cardinal sus legierement
Suiuons les autres tous enssamble
Riens ny vault lesbahyssement
Vous auez vescu haultement
Honneurs auez eu a deuis
55
Prenez en gre lesbatement
Es grans honneurs se pert aduis
Le cardinal
Jay bien cause de mesbahyr
Quant je me voy de si pres pris
La mort mest venu enuahir
60
Plus ne vestiray vert ne gris
Chappeau rouge ne chappe de pris
Me fault laisser a grant destresse
Je ne lauoye pas apris
Toute joye fine en tristesse
La mort
65
Venez noble roy couronne
Renomme de force et proesse
Jadis fustes aduironne
De grans pompes de grant noblesse
Mais maintenant toute haultesse
70
Laisseres vous nestes pas seul
Peu aurez de vostre richesse
Le plus riche na que vng linseul
Je nay pas apris a danser
A danse et notte si sauuaige
75
Helas on peut voir et penser
Que hault orgueul force lignage
Mort destruit tout cest son vsaige
Ainsi tost le grant que le maindre
Qui moins se prise plus est saige
80
A la fin fault deuenir cendre
|
La mort
Patriarche pour basse chiere
Vous ne pouez estre quicte
Vostre double croix que auez chiere
Vng autre aura cest equite
85
Ne pensez plus a dignite
Ja ne serez pape de romme
Pour rendre compte estes cite
Folle esperance decoit lhomme
Le patriarche
Bien voy que les mondains honneurs
90
Me ont deceu a dire voir
Mes joyes tournent en douleurs
Et que vault tant dhonneur auoir
Trop hault monter nest pas scauoir
Haulx estas gastent gens sans nombre
95
Mais peu le veullent parceuoir
96
A hault monter le faiz encombre
193
Bailly qui scauez quest justice
Et hault et bas en mainte guise
195
Pour gouuerner toute police
Venez tantost a ceste assize
Je vous adiourne de main mise
Pour rendre compte de vos fais
Au grant juge qui tout vng prise
200
Vng chascun portera son faiz
Le bailly
Helas vecy dure journee
De cop pas ne me gardoie
Or est la chance bien tournee
Entre juges honneur auoie
205
Et mort fait raualler ma joye
Qui ma adjourne sans rappel
Je ny voy plus sentier ne voye
Contre la mort na point dappel
|
La mort
Maistre pour vostre regarder
210
En hault ne pour vostre clergye
Ne pouez la mort retarder
Cy ne vault riens astrologye
Toute la genealogie
De adam qui fut le premier homme
215
Mort prent ce dit theologie
Tous fault morir pour vne pomme
Le maistre astrologien
Pour science ne pour degrez
Ne puis auoir prouision
Car maintenant tous mes regrez
220
Sont morir a confusion
Pour finable conclusion
Je ne scay riens que plus je scripue
Je pers cy toute aduision
Qui vouldra bien morir bien viue
La mort
225
Bourgeois hastez vous sans tarder
Vous nauez auoir ne richesse
Qui vous puissent de mort garder
Se des biens dont eustes largesse
Auez bien vse cest saigesse
230
Dautrui vient tout a autruy passe
Fol est qui de amasser se blesse
On ne scayt pour qui on amasse
Le bourgeois
Grant doeul me fait sy tost laissier
Rentes maisons cens nourriture
235
Mais riches hommes abaissier
Tu faiz mort telle est ta nature
Saige nest pas la creature
Daymer trop les biens qui demeurent
Au monde et sont siens de droiture
240
Ceulx qui plus ont plus enuys meurent
289
Sergent qui portez celle mace
290
Il samble que vous rebellez
Pour neant faictes la grimace
Se len vous fait tort appellez
Vous estes de mort appellez
Qui se rebelle se decoit
295
Les plus fors sont tost rauallez
Il nest fort que si fort ne soit
Le sergent
Moy qui suiz royal officier
Comment me ose la mort frapper
Je faisoye mon office hyer
300
Et elle me vient huy happer
Je ne scay quel part eschapper
Je suis prins deca et dela
Malgre moy me laisse attraper
Enuys meurt qui aprins ne la
|
La mort
305
Haa maistre par la passerez
Nayes ja soing de vous deffendre
Plus homme nespouenterez
Apres moine sans plus actendre
Ou pensez vous cy fault entendre
310
Tantost aurez la bouche close
Homme nest fors que bourre & cendre
Vie dhomme est moult peu de chose
Le moisne
Jamasse mieulx encores estre
En cloistre et faire mon seruice
315
Cest vng lieu deuost et bel estre
Or ay je comme fol et nice
Ou temps passe commis maint vice
Desquelz nay faicte penitance
Souffisant dieu me soit propice
320
Chascun nest pas joyeux qui dance
La mort
Vsurier de sens desrigle
Venez tost et me regardez
Dusure estes tant auugle
Que dargent gaingner tout ardez
325
Mais vous en seres bien lardez
Car se dieu qui est merueilleux
Na pitie de vous tout perdez
A tout perdre est cop perilleux
Lusurier
Me conuient jl si tost morir
330
Ce mest grant peine et grant greuance
Et ne me pourroit secourir
Mon or mon argent ma finance
Je voy gue mon la mort me aduance
Dont jl me desplaist somme toute
335
Quest ce de male accoustumance
336
Tel a beaulx yeulx qui ne voit goute
