Xyl. 39, Den første prædiker

der prediger hie vor
DIser welt weishait chind
Alle die noch in leben sind
Seczet in ewer hercz czway wort
Dÿ von Christo sind gehort
5 Das ain get her, das ander hin
Durch das erst, die frümen haben gebÿnn
Mit des hÿmels porth, die in ist Geöffent
das ander, dÿe bösen wist
Ab. zu der hellischen porthen
10 Also wirtt in den worten
Gegebenn, ain solich vnderschaid
Das ainhalb. ist gantze frëud berait
Anderhalb dÿe peÿn auch gentzleich
Vber all, an ende ewigkleich
15 Darumb ich euch getreulich rat
Ir thuet euch ab üppiger tat
Durch den zwifachen rat
Der vber nÿemandt chain erparmung hat
Wann die czeit ist chürtz In disem leben
20 Darnach wirt ach vnd we gebenn
Mit seiner hellischen pfeiffen geschraien
Bringt er ew all, an ainen raÿnen
Daran die weisen, als die narren
Geczwungen in den springent varn
25 Als des geldes figuren
Seynd ew hie ain ebenpild ze trauren

O diser welt weÿshaÿtt kint,
Alle die noch in leben sint,
Setzt in ẅer hercz zwaÿ wort,
Die von cristo sind gehort.
5 Das ain gett her, daz ander gett hin,
Durch das erst die frummen hånd gwÿn
Mit dez himels port, die in geöffent ist.
Das ander die bösen weÿst
Ab zů der hellischen porten.
10 Also wirt in den worten
Gegeben ain söllich vnderschaÿd:
Das ain halb ist gantz fröd beraÿtt,
Anderhalb die peÿn ach genczlÿch,
Über al on ende ewiklÿch.
15 Dar vmb ich ẅch getreẅlÿch rått,
Ir tůt ẅch ab üppiger tått.
Wann die czeÿtt ist kurcz an disem leben.
Dar nach wirt achh vnd wee gegeben
Durch den czwÿfachen tod,
20 Der über nÿmant erbårmd hått.
Mit seÿner hellischen pfeÿffen schreÿen
Bringt er ewch all an ainen raÿen,
Dar an die weÿsen alz die narren
Gezw[u]ngen in den sprüngen farn;
25 Als des gemäldes figuren
Sind sÿ ain ebenbi[l]d zů truren.

Aller disser welt weißhait chint
Die hie noch in leben sint
Setz [in] ewern hertz zway wortt
Die von christo sint gehort
5 Das ain get hin das ander her
Durch das erst die frumen hand gewin
Mit des himels portten Die in ist
geoffneten Das ander die pössen wist
Ab zů der hellischen portten
10 Also wirt in den wortten
Gegeben ain süllich vnderschaid
Das ander halb ist fröd beraitt
Ain halb die pein als gentzlich
Vrtail on end ewenclich
15 Dar vmb ich eüch gůtlich rat
Tůt eüch ab üppiger tat
Wenn die zeit ist churtz in dissem leben
Dar nach wirt ach vnd we geben
Durch den zweiffaltigen rat
20 Dar über auch niemant chain erpermd haüt
Mit seiner hellischen pfeiffen schreyen
Pint er euch all an ainen rayen
Dar an die weissen als die narren
Gezwingen in den springen faren
25 Als des gewelds figuren
Send hie ain ebenpild für traüren

O diser welt wisheit kind
All die noch in leben sind
Setzent in wuer hertz zway wort
Die von cristo sind gehort
5 Das ein gond her Das ander gond hin
Durch das erst die fromen hand gewin
In des himels fröiden do si kůmen hin
Das ander noch den worten
Die bösen wist ab zů der helschen porten
10 Also so wirt in disen worten
Geben ein sölicher vnderscheid
Das ein wort ist gantz in fröid bereit
Das ander wort leid vnd pin on end
Dar vmb ich uch getrwlich rot
15 Tůnd uch ab wpiger tat
Wan die zit ist kurtz in disem leben
Dar nach wirt ach vnd we gegeben
Durch den zwichfachen tod
Wber die bösen mieman kein erbermd hat
20 Der helschen pfiffen schriÿen
Die bringet vns all an einen reÿen
Dar an die wisen als die narren
Gezwungen in disen sprüngen müsen varen
Als dises tantzes viguren
25 Sind ein ebenbild ze allem truren

O diser welt weisshait kind,
All die noch in leben sind,
Setzt in ewr hertz tzwaÿ wort
Die von cristo send gehort
5 Das ain geet her das ander geet hin
Durch das erst die fromen hand gewin
Mit des himels port die In ist
geöffnet das ander die pösen wist
Ab zů der hellischen porten
10 Allso wirt in den worten
Gegeben ain solich vnderschaid
Das ainhalb ist gantz fröwd berait
Anderhalb die pein auch gentzlich
Überal an ende ewiglich
15 Darvmb ich euch getrewlich rat
Ir tůt euch ab üppiger tat
Die zeit ist kurtz in disem leben
Darnach wirt ach vnd we geben
Durch den tzwifachen tod
20 Darüber niemant kain erbärmd hat
Mit seiner hellichen pfeiffen schraÿen
Bringt er euch all an einen raÿen
Daran die weisen als die narren
Getzwungen in den sprüngen varen
25 Als der worten figuren
Sind hie ain ebenpild ze trauren

O deser werlde weysheit kint
Alle die noch ym leben sint
Setzt yn ewr hercze czwey wort
Die von cristo sint gehort
5 Das eyne komet her das ander gehet hyn
Dach des ersten die guten haben gewyn
So sie yn den hymmel komen
Do nemen sie des guten fromen
Das ander die bözen weyzet yn peyn
10 Der hellen. dy ouch ewig wirt seyn
Dorvm ich euch getrewlich rathe
Tut euch abe oppiger thate
Wenne dy czeit yst korcz yn desem leben
Dor noch wirt ach vnd we gegeben
15 Dorch den czwefechegen tod
Der die oppigen brengit yn not
Wenne mit seyner pfeyfen geschrey
Brengt her sie alle an seynen reyn
Doran dy weyzen czu den sprungen
20 Mit den toren werden gecwungen
Als dezes gemeldis figuren
Synt eyn eben bilde czu trawren