|
|
Den tekst, der præsenteres her, er som udgangspunkt taget bogstavtro fra BnF Français 17001, og det er billederne (naturligvis) også. Tekst og billeder præsenteres dog i den rækkefølge, der angives af Ambrosiana, S. 67. Sup.
Enkelte linjer, der mangler i Français 17001, er taget fra Ambrosiana-manuskriptet og sat i skarpe paranteser. Det drejer sig om 2 linier i prologen, to linjer af kammerpigens replik og nogle få latinske citater. Et enkelt af de latinske citater, »In sæculum fiat fiat«, er taget fra væggen i Amiens.
Linjenumrene følger Timelli's tekst, dvs. denne tekst, hvor de to manuskripter er kombinerede. De latinske citater, der afslutter hvert vers, får ikke noget nummer.
|
Prologue
Quel chose est homme dont memoire
En est en dieu le roy de gloire
Pour ceste question traittier
4
Dauid escript en son psaultier
Quid est homo et aristote
En dist briefz mos ou gist grant note
Homme est ame raisonnable
8
Coniointte a char fraille & muable
Dieu forma lomme a son ymage
Et luy donna franc arbitrage
Pour user en toute saison
12
De sa voulente par raison
Or vueille donc homme contendre
De veoir ouyr et entendre
Listoire du mors de la pomme
16
Qui cy est pour monstrer a homme
Quest de luy & quil deuendra
Car en figure le verra
Pour tant est cy mise listoire
20
A celle fin quil ait memoire
Du mors encontre obedience
Pour gouster du fruit de science
Dont homme est serf a porreture
24
Tant ait donneur et destature
Regarde cy et voy comment
Dieu ot mis homme noblement
En lieu rempli de tous delis
28
Qui ja ne luy fussent faillis
Sil neust fait ou fruit la morsure
Ce pechie dont vient la mort sure
Mort dampnable espirituele
32
Commist auec mort corporele
Mais si tost quil eut fait ce mors
Il se congnut et fu remors
Dont pour dampnation guarir
36
Voult puis le fil de dieu morir
Mort corporele en sa main tient
Trois dars dont son regne maintient
Voy la grande commission
40
Dont la mort fait ostension
Cest le mandement criminel
Quelle obtient du roy eternel
Voy du hault juge singulier
44
Le jugement particulier
Qui est a leure du trespas
Car en passant de mort le pas
Lame va pour estre a toudis
48
En enfer ou en paradis
Ou elle va en purgatoire
Qui est vng autre lieu encoire
Ou elle purge ses meffais
52
Quant tu auras bien veu tes fais
[Quant tu aras tout advisé]
[Ichy ce que j’ay devisé,]
Congnoistre pourras clerement
56
Quest de lomme finablement
Ne quiers icy truffes ne gas
Mais sagement quitquid agas
Regarde a la fin cest la somme
60
Listoire du mors de la pomme
Intelligite hec qui obliuisemini deum
Lacteur de ceste histoire
Par dessus toute creature
Que dieu a fourme sur la terre
Homme a fait de noble nature
64
Excellent et de grant mistere
Gloria & honore coronasti eum domine &c
Cy fine le prologue
|
Dieu
Homme cy soit ta residence
De tous les fruis tu mengeras
Senon de larbre de science
68
Se tu en menges tu morras
Vos autem sicut homines moriemini
Adam
En ce beau paradis terrestre
A joyeuse habitation
Bien y puis demourer et estre
En grande consolation
72
Dominus regit me et nichil m[ihi] deerit In loco pastue vbi me colloc[avit]
Eue
Adam alons et nous verrons
Ce beau lieu tout a no plaisir
Franchement irons & venrons
76
Par tout ou nous arons desir
Tunc repletum est gaudio os nostrum et lingua nostra inexult[avit]
|
Le serpent
Par lenuie que jay sur homme
Jay tant fait que par mon malice
A eue ay fait mengier la pomme
80
Dont ne puet que grant mal nen ysse
Et in eo parauit vasa mortis
La mort
La mort suis dieu ma ordonnee
Pour ce que adam la pomme mort
Sentence diuine est donnee
84
Tous les humains morront de mort
Ecce parturit malicia.
Adam
Helas de tous maulx suys le pere
De la mort suys cause et acteur
Par mon pechie fault quelle appere
88
Jay offense mon createur
Quoniam iniquitatem meam ego cognosco
Eue
He! que je suys doulente mere
De moy naist la mort de pechie
Trop me sera la seue amere
92
Du fruit que aux dens ay despechie
Circumdederunt me dolores mortis
|
Dieu
Mort fera separation
Dame et de corps cest son office
Et par ceste operation
96
Apperra diuine iustice
Circumdederunt me dolores mortis et pericula inferni inuenerunt me
Langele
Mort tu monstreras aux humains
La puissance du haultain juge
Porte ces trois dars en tes mains
100
Nul naura contre toy refuge
Et misit sagittas suas
La mort
A tous seray cruele et fiere
De moy sera tout mis a fin
Ce que dieu vouldra que je fiere
104
Sera par moy tost mis ad fin
Et concidam a facie ipsius
|
Langele
Alez en desolation
Eue et adam pour vostre offense
Du lieu de consolation
108
Encontre vous feray deffense
Homo cum in honore esset non intellexit et factus est &c
Adam
Pour mon viure voys labourer
En paine en soing & en traueil
Et de pourete endurer
112
Chault et faim froit soif & sommeil
Alebis nos pane lacrimarum
Eue
Pour le pechie que auons commis
En exil aler nous conuient
De franchise sommes demis
116
Tousiours la mort apres nous vient
Cor meum conturbatum est dereliquit me virtus mea &c
|
Langele premier
Oyez oyez! petis et grans
Ceste commission mortele
De lentendre soyez engrans
120
Dieu la donnee a la mort tele
Audite hec omnes gentes &c
La mort
Venez veoir le mandement
De la iustice souueraine
A tous monstreray clerement
124
Que jay commission certaine
Venite et videte opera Domini que posuit pr[o]digia super terram
Langele second
Vueilliez bien mettre en vo memoire
Le teneur de ce mandement
Sur vous sera executoire
128
Sans sauoir ne ou quant ne comment
Intelligite insipientes in populo &c
|
Le mandement
Dieu le vif eternelement
Sans fin et sans commencement
Regnant en sainte trinite
132
De fait a toute humanite
Sauoir faisons en general
Et par ce mandement mortal
Que nous voulons que ainsi se fache
136
Comparoir par deuant no fache
Tous ceulx qui sont & qui seront
Deue & dadam si renderont
Compte de leurs fais iustement
140
En particulier jugement
Si donnons pouoir a la mort
Pour y contraindre foible & fort
Si que nulle opposition
144
Ne vaille a lexecution
Car ainsi voulons quil soit fait
Pour pugnir qui aura meffait
Et aux bons donnons a toudis
148
Les joyes de no paradis
[In sæculum fiat fiat]
|
La mort
Chascun se tiengne sur sa garde
Mon office vueil commencier
Du dard de sang premier darder
152
Pour mon euure plus auancier
Inebriabo sagittas meas sanguine
Abel
Helas ! or se vient la mort prendre
A moy par oultrageux affaire
A morir me conuient aprendre
156
Et se ne le veis oncques faire
Amici mei et proximi mei aduersum me appropinqua[ue]runt
Kaym
Terrible mort cy as monstree
Leuure de ta commission
Par mon delit est perpetree
160
Dampne suis sans remission
Timor et tremor comprehenderunt me
|
La mort
Je metteray vne estincelle
De mon dard qui est plain de feu
Droit au cuer de ceste pucelle
164
Oncques autel douleur ny fu
Sagitte potentis acute
La pucelle
Je prendray bien en patience
Ce que dieu me vuelt envoier
La personne na pas science
168
Qui pour mort se vuelt desuoier
Quis est homo qui viuet et cupit dies videre bonos
La femme
Dieu quel ennuy et quele perte
Ce me samble estre grant rigueur
Dune femme viue et aperte
172
Mourir en sa force et vigueur
Quoniam tribulatio proxima est atque ventura ira
|
La mort
Homs qui vescu auez oultre eage
De tous voz parens trespassez
Mon dard de cendre nul oultrage
176
Ne fera se par luy passez
Qui redimet viam de interitu
Lancien
Mon corps est vieil foible et vse
Mais tousiours a viure contens
Ne scay se je suys abuse
180
De morir ne suys pas contens
Quoniam defecit in dolore vita mea et anni mei in gemitibus
La meschine
Plus vit li homs plus crient sa mort
Et de tant plus son fais aggrieue
Sages est qui jeune samort
184
De penser que sa fin est brieue
Utinam saperent et intelligerent ac nouissima prouiderent
|
La mort
Par la malice des humains
Dieu prent pugnition du monde
.Viij. en laisse ne plus ne moins
188
Au surplus ma puissance abonde
Fiat habitatio eorum deserta
Lomme
On doit bien redoubter le juge
Qui tout le monde puet pugnir
Comme il appert par le deluge
192
Quil a fait sur terre venir
Non me demergat tempestas aque neque absorbeat me profondum
Noe et larche
Je voy bien quil ny a remede
Tous conuient morir foible & fort
Je requiers au vray dieu quil mede
196
Trouuer ny scay autre confort
Veni in altitudinem maris
|
La mort
Le plus grant et le plus puissant
Quon puist par tout le monde querre
Feray a moy obeissant
200
Descendre le feray en terre
Nec enim in gladio suo possederunt
Le gayant
Je suys dolant et esperdu
Puis que de mort frape me sens
En peu deure jaray perdu
204
Force beaute honneur et sens
Terribili et ei qui aufert spiritum
Lescuier
Or nest il homme tant soit fort
Qui ne soit en subiection
De la tresredoubtable mort
208
Cy en voy la probation
[Gigas non salvabitur in multitudine virtutis sue]
|
La mort
Entre vous qui seruez a table
Souuiengne vous de lentremetz
Que je fais a la plus notable
212
Quant de seruir je mentremetz
Ipsi dispergentur ad manducandum
La princesse
Puis que a dieu plaist que mes serfz voient
Comment a mort suys asseruie
Je prie a ceulx qui me seruoient
216
Que doroisons soye seruie
Potasti nos vino compunctionis
Le maistre dostel
Merueilleusement la mort vient
Sans ce quon la voye venir
Du meschief qui ceans aduient
220
Men deuera bien souuenir
Adhuc esce eorum in ore ipsorum erant
|
La mort
Pour monstrer que dieu a puissance
Sur les grans et sur les petis
Cest enfant morra en enfance
224
Prendre en puet a son appetis
Fiat uia eius in interitum
Lenfant
Mere ne plourez se men vois
Je nay gueres este au monde
A joye deliure men vois
228
Quant de pechie mortel suys monde
Non moriar sed viuam et narrabo opera domini
La mere
Helas! mon enfant voy morir
Qui tant est belle creature
Las! or ne le puis secourir
232
Mort est plus forte que nature
Qui percussit gentes multas et occidit reges fortes
|
La mort
Au laboureur na nul repos
Se par moy nest point nen ara
Car il a tousiours en propos
236
De luy pener tant quil porra
Exibit homo ad opus suum
Le laboureur
Qui labeure de bonne foy
En soustenant paine & tristesse
Esperer doit ainsi le croy
240
Quil moissonnera en liesse
Qui seminant in lacrimis in exultatione metent
Le semeur
Homs qui vuelt viure seurement
Gaigne son pain a labourer
Qui oyseuse sieut longuement
244
Sans pechie ne puet demourer
Labores manuum tuarum quia manducabis beatus es
|
La mort
Je vous adiourne de main mise
Par deuant le roy eternel
Qui ad ce faire ma commise
248
Comme son sergant criminel
Quoniam ira in indignatione eius
Lempereur
Ceste nouuelle au cuer nous blesse
Laissier et morir nous conuient
Haulte seigneurie et noblesse
252
Puis que la mort querir nous vient
Que utilitas in sanguine meo
Noblesse
Noblesse sens honneur cheuance
Ne peuent de la mort garder
Honneur mondaine est deceuance
256
Bon fait a la fin regarder
Cognoui quia dominus faciet iudicium inopis et vindictam pauperum
|
La mort
Celluy qui sur moy a puissance
Cest humblement a moy submis
Et a fait ceste obeissance
260
Pour rendre vie a ses amis
Bonum est confiteri domino
Jhesus
Je sueffre mort & passion
Pour vraye amour dont jaimme lomme
En croix fais reparation
264
Du mors que adam fist en la pomme
Vacate et videte quoniam ego sum deus
Centurion
Icy est le vray fil de dieu
Pendu en larbre de la croix
Merueilleux il est en ce lieu
268
Veu pour sa mort ainsi le crois
A domino factum est istud &c
Lucifer
Rempli suis de dueil & denuie
A ce coup perdons les humains
Sur cest arbre est le fruit de vie
272
Qui les deliure de noz mains
[Et eduxit eos de tenebris]
|
La mort
Maistre qui tant auez de liures
De vo science ne tieng compte
Se de pechie nestes deliures
276
Quant deuant dieu renderez compte
Os iusti meditabitur sapientiam
Le docteur
Bien sçay quil nest plus grant science
Que dapprendre et estudier
Ou liure de la conscience
280
Pour le sauoir bien nettier
Nouit dominus dies immaculatorum
Le fol
Ou le sens fault eschiet folie
Qui bien scet morir il est sage
Nul ne crient dieu ne sumilie
284
Tant voye de morir lusage
Corrupti sunt et abhominabiles facti sunt non est &c
|
La mort
Jeune femme entendez a my
Laissier vous fault joie mondaine
Car de vous et de vostre amy
288
Feray departie soudaine
Quoniam spiritus pertransibit in illo
Lamoureuse
Vecy piteuse departie!
Amy! jamais ne vous verray
La mort ma prins de sa partie
292
Je men vois plus ne reuerray
[Spiritus quia caro sunt vadens et non rediens]
Lamoureux
Que piteux congie amy las!
Jamais ne vous verray de lueil
Veoir vous puisse en grant soulas
296
En paradis ou nul na dueil
Exibit spiritus eius et reuertetur in terram suam
|
La mort
Pere saint je vous viens citer
Pour venir personnelement
Deuant dieu vous fais reciter
300
En particulier jugement
Reuela domino vitam tuam & spera in eo
Le pape
Las! or nest il delay ne ensonne
Contre ceste citation
Aler y conuient en personne
304
Riens ny vault procuration
Custodi animam meam quoniam ego
Le cardinal
Sans fraper de pie ne de main
Mort separe le corps de lame
Tel est huy joieux qui demain
308
Sera mort dessoubz vne lame
Quoniam ipse dixit et facta sunt ipse mandauit & creata sunt
|
La mort
Cil qui dist qui viue qui viue
Penser doit que premier morra
Cestui en debat et estriue
312
Mais de ce coup morir porra
Dissipa gentes que bella volunt
Lomme darmes
De mort ne me puis descombatre
Son dard est dessus moy assis
Jeusse plus chier a me combatre
316
Maintenant a cing ou a six
Si exurgat aduersum me prelium in hoc ego sperabo
Le champion
Puis que ainsi est que je morray
Lauenture me fault attendre
Mais tant que batillier porray
320
En bon droit me vouldray deffendre
Benedictus dominus deus israel qui docet manus meas ad prelium
|
La mort
Vous qui les tresors amasses
Il vous conuient a moy entendre
Des biens mondains auez asses
324
A plus haultz biens deussiez contendre
Quoniam non interierunt non sumet omnia
Le changeur
Jay doubte que biens ne faillent
Mais je voy bien que leur faulray
Et se doubte que pou me vaillent
328
Quant seray mort moins en vaulray
Melius est modicum iusto super
Le bourgois
Cest bon dauoir richesse a point
Trop nuist qui pourete endure
De morir ne seffroie point
332
Mais aux riches cest chose dure
Thesaurizat et ignorat cui congregabit ea
|
La mort
Dame qui alez au deduit
Pensez a moy se vous volez
Vo fait sera par moy conduit
336
Ains que jamais doisel volez
Nolite confidere in principibus
La royne
Vecy vng doulereux gibier
La mort ma prinse pour sa proie
Hemy! lasse! quel destourbier
340
A terre chiez tant men effroie
Defecit caro mea et cor meum
Le roy
La mort nous donne cognoissance
Que dieu est par dessus nature
Et quil puet faire a sa plaisance
344
De toute humaine creature
Domine saluum fac regem et exaudi nos in die qua &c
|
La mort
Entendez ad ce que vous dittes
Celle suys par qui vous faulrez
Ne faictes faultes ne redittes
348
Fourmez voz mos mieulx en vaulrez
Delectare in domino et dabit tibi
Le chapellain
Las! hemy! bien puis perceuoir
Que la mort est de dur affaire
En gre vueille dieu receuoir
352
Son seruice plus ne puis faire
Septies in die laudem dixi tibi super iudicia iusticie tue
Le chanoine
A dieu vueil pardon requerir
Je suys prest quant il luy plaira
Quant la mort me venra querir
356
Mon bien fait point ne me laira
Deus docuisti me a juuentute
|
La mort
Mirez vous bien et vous verrez
Quele sera vo belle face
Teles que je suys deuenrez
360
Car ainsi fault il quil se face
Homo vanitati similis factus est
La demoyselle
Je suys dolante et esperdue
Quant en moy morant je regarde
Ma beaute qui sera perdue
364
Las! hemy! trop pou y preng garde
Domine in voluntate tua prestitisti decori meo virtutem
La chambriere
Ce miroir cy est exemplaire
A tout homme qui est mortel
[Bien peut pourfiter et sans plaire]
368
[A chil ky pense estre mort tel.]
[Et defecerunt in vanitate dies eorum]
|
La mort
De ce corps lame separee
Au jugement va sans arrest
Vile et noire comme cendree
372
Gist la char on voit bien que cest
Et in puluerem suum reuertentur
La femme
Cest vne doleur non pareille
De la mort quant bien y prens garde
Chascun comme pour soy y veille
376
Et soit a ses prilz sur sa garde
Dies mei sicut vmbra declinauerunt et ego sicut fenum arui
Le clerc
Poure chose est de creature
Homs qui bien son estre congnoit
Fole plaisance qui peu dure
380
Au cuer jamais auoir ne doit
Exultate iusti in domino rectos decet collaudatio
|
Langele
Souuerain juge a toy presente
Ceste ame dont jay este garde
Au jugement est cy presente
384
Le tien euure en pitie regarde
Opera manuum tuarum ne despicias
Sathan
Tant que ceste ame estoit au corps
Pouoit grace & mercy acquerre
Mais puis quelle en est mise hors
388
Plus nen doit auoir ne requerre
Cum judicatur ex ea condempnatur
Lame
Las or suys deuant dieu venue
En particulier jugement
Du monde partant poure et nue
392
Aidier ne me puis nullement
Domine ne in furore tuo arg[uas me]
Dieu
En moy sont par diuine essence
Misericorde et verite
Justice et vraie sapience
396
Dont tous juge par equite
Recte iudicate filii hominum
|
Homs qui cy regardes et lis
Se bien entens ceste matiere
Tu trouueras se bien eslis
400
Que ton corps est plus vil que terre
Voy les ames en purgatoire
Ou elles sont en penitance
Pour eulx fay euure meritoire
404
Ce leur puet donner allegance
Purgatoire et mort corporele
A tous suys au grant jugement
Et demourra vie eternelle
408
En particulier dampnement
En paradis seront les bons
Auec la saintte trinite
La seront viuans a bandons
412
En parfaitte felicite
En enfer seront les dampnez
Condampnez sans jamais mourir
Puis que la seront condempnez
416
Nul ne les pourra secourir
Les terribles paines denfer
Qui jamais finer ne porront
Font grandement a redoubter
420
De ceulx qui en pechie morront
|
Pour finale conclusion
Lomme qui ne crient nest pas sage
Le monde est plain dabusion
424
Ce nest que vng doloureux passage
Plaise vous tous a dieu prier
Pour lacteur qui point ne se nomme
Et ne vueilliez pas oublier
428
Listoire du mors de la pomme
Døden fra Lübeck
Blandet
Mors de la Pomme
Teksten