Dden fra Lbeck

Beginen

Beginen

De baghine
Och doet schone myner noch vmme ihesus willen
Sus lange hebbe ik my erneret myt der spyllen
Dar to hebbe ik gheknuttet vnde ghewracht
Vnde myt klenen sorghen myn leuent henghebracht
Do myne vrunde my nicht konden ryke beraden(1)
Do makeden se van my eyne begynen draden
God heft my nu in dessem state so ghesterket.
Nu ik ok der werlde staet rechte hebbe ghemerket
Dat ik my in god wol hebbe ghegeuen tovrede:
Wente myn bichtuader my ok kortes sede
Dat de here in dem ewangelio heft ghesecht
Dat alle dede syne hant an de ploch lecht
Suet he to rugge na der wertliken ere
He is godes rike nicht werdich sprickt vnse leue here.
By dem ploghe is eyn gheystlik leuent bekant
Dar an hebbe ik gheslaghen myne hant
Hadde ik nu mynen trost an de werlde gheleyt
Id were doch altomalen vorlorn arbeyt
Dat merke ik wol nu myn leuent gheyt na dem ende
Hir vmme leue ihesus ik bevele my dy in dyne hende
Ik bydde dy vmme dyn lydent vnde wemoed marien
Dattu my van allem elende vnde kummer willest vrien
Vnde wes du io nu myn ewighe trost
De du my myt pynen swarliken hefst vorlost

Dden med pilen

De doet
Vorver dy ni[c]ht suster kornute efte baghineken
Dat is my like vele wer du hetest wobbeke efte kristineken
Dattu byst eyn baghine vnde hefst sodan namen
Des en schaltu dy neynerleye wys schamen
Eyn afghesneden othmodich kleed schaltu draghen
Dattu nicht der werlde. men gode scalt behaghen
Men hir bistu enteghen ghewest in velen dingen:
Wente nye tydinge kanstu draden hir vorbringen:
Wente krychstu wat to wetten ghysteren efte huede
Wo drade kumpt dat vort manckt de lude
Nicht en scholdestu id achten dat der werlde angheyt
Dar vmme drechstu eyn afghesneden kleyt
Men godes denst myt vlyte achten
Vnde dy vlitich vor alle wertlike ydelicheit wachten
Dyt horet to den baghynen vnde ok dede heten lullebrodere.
Se scholen wesen der krancken wechter vnde hoedere
Dar to se dreghen. reynighen vnde boren
Meyst dorch god so wert er denst nicht vorloren
Leren scholen se dat men den krancken vor schal lesen
Dat en aldermeyst nutte vnde gud mach wesen
Ere sele to bringende to der ewighen salicheyt
Hefstu sus ghedaen so is dy de hemmel sunder twifel bereyt
Vnde vor dyn sympel afghescheden leuen:
Wyl dy god eyne sunderlike kronen geuen

Beguinen Dden til beguinen Klik p de sm billeder for at se de originale sider.

Beginer var "Kvinder i katolske klosterlignende samfund der ikke krvede nonnelfte..." (Gyldendals Fremmedord)

Baethckes transskription

         LI. DE BAGINE.
         Och dt, schone miner noch umme Jesus willen!
1210 Sus lange hebbe ik mi erneret mit der spillen,
         Drto hebbe ik geknuttet unde gewracht
         Unde mit klenen sorgen min levent hengebracht.
         Do mine vrunde mi nicht konden rike beraden,
         Do makeden se van mi eine beginen draden.
1215 Got heft mi nu in dessem state so gesterket,
         Nu ik k der werlde stt rechte hebbe gemerket,
         Dat ik mi in Got wl hebbe gegeven tovrede,
         Wente mn bichtvader mi k kortes sede,
         Dat de here in dem ewangelio heft gesecht,
1220 Dat alle, dede sine hant an de plch lecht,
         St he to rugge na der wertliken ere,
         He is Godes rikes nicht werdich, sprikt unse leve here.
         Bi dem ploge is ein geistlk levent bekant,
         Dran hebbe ik geslagen mine hant.
1225 Hadde ik nu minen trst an de werlde geleit,
         It were doch altomalen vorlrn arbeit.
         Dat merke ik wl, nu mn levent geit na dem ende;
         Hrumme, leve Jesus, ik bevele mi di in dine hende,
         Ik bidde di umme dn lident unde wemt Marien,
1230 Dattu mi van allem elende unde kummer willest vrien,
         Unde wes du jo nu mn ewige trst,
         De du mi mit pinen swrliken hefst vorlst.

         LII. DE DOT.
         Vorvr di nicht, suster kornute efte bagineken,
         Dat is mi like vele, wer du hetest Wobbeke efte Kristineken.
1235 Dattu bist ein bagine unde hefst sodn namen,
         Des en schaltu di nenerleie ws schamen.
         Ein afgesneden tmodich klt schaltu dragen,
         Dattu nicht der werlde, men Gode scalt behagen.
         Men hr bistu entegen gewest in velen dingen,
1240 Wente nie tidinge kanstu draden hr vrbringen,
         Wente krichstu wat to wetten gisteren efte hude,
         Wo drade kumt dat vort mankt de lude!
         Nicht en scholdestu it achten, dat der werlde angeit,
         Drumme drechstu ein afgesneden kleit,
1245 Men Godes dnst mit vlite achten
         Unde di vlitich vor alle wertlike idelicheit wachten,
         Dat horet to den baginen unde k dede heten lullebrodere.
         Se scholen wesen der kranken wechter unde hodere,
         Drto se dregen, reinigen unde boren,
1250 Meist dorch Got, so wert r dnst nicht vorloren.
         Leren scholen se, dat men den kranken vr schal lesen,
         Dat en aldermeist nutte unde gt mach wesen,
         Ere sele to bringende to der ewigen salicheit.
         Hefstu sus gedn, so is di de hemmel sunder twifel bereit,
1255 Unde vor dn simpel afgescheden leven
         Wil di Got eine sunderlike kronen geven.

Fodnoter: (1)

beraden...: Ordet bruges specifikt om at udstyre en datter/ brud (at udstyre en sn hedder "van sik setten").

Op til Des Dodes Dantz