Dden fra Lbeck

Korsridderen

Ridderen af Tydske orden

De Godesridder

Help Maria, wo selsen is mi jummer geworden!
Twintich jr hebbe ik gewest in dessem werdigen orden;
Alsus was ik ein anname man to voren,
Hrumme wart ik vor einen groten mster gekoren
Over dessen orden van den ritterliken broderen.
Ein here to wesen over ein grt lant mit velen goderen,
De slote unde ander gt den ordensheren to vor lenen;
Hrvor se mi mit allen truwen msten denen,
So wan mn bot to ene quam spade efte vro.
Ok msten mi denen al dat gemene volk drto
Mit live, mit gude, mit herendnste unde k mit pacht;
Up den dt hadde ik noch nicht vele gedacht.
Och wolde he mi doch noch lange tt oversn,
So wolde ik mit allem vlite up de uncristen tn,
Dr unse werdige orde sr is to vorplichtet,
Uppe dat k noch welke ander sake mochte wl werden entrichtet.
Drmede unse werdige orde is gekomen in sorge.
Van wegen des landes, der stede unde k der borge.
Mannich is gekomen drvan in grote nt,
Wol dat unse orde is wt, brt unde grt,
Wente unser broder sin vele: int norden, int westen, k wente an de Torkie,
Int suden al dorch wente an de Wallochie.
Ok hete wi de cruceheren al dudesche(1) lant dorch unde k in Prusen,
Dorch Lfland(2), Lettowen, Polen wente an de Rssen;
Godesriddere de dudeschen ordens si wi k genant.
Och hadde ik den orden recht geholden, so were mn stt unde levent wl bewant.
Cristus, de an dem cruce lt den bitteren dt,
De helpe mi in desser miner lesten nt.

Dden med leen

De doet

Ja, her mster des ordens van den crucebroderen,
Vele sechstu van dinen landen unde k van den vele goderen,
Drto van den landen dines ordens wide und verne;
Nu mstu rekenschop dn, dat deistu ungerne,
Wo du ein dl hefst dorchgedreven k mit listen
Unde hefst k orlich gevoret mit dem guden cristen,
Drmede dinem orden is to kort geschn,
Wente de godesridder scholen nummer mit wapen up de cristen tn,
Dat arme cristenvolk alle tt vorschonen,
Mit den uncristen afgesneden scholen se nummer sonen.
Du unde dine ordensbrodere hebben dit klene acht,
Up dat gi juwe nabers, welke cristen, mochten bringen under juwe pacht
Unde alsus umme ringe schult se willen laten vordrucken;
Ik vruchte, hrvor de duvel juwer ein dls wedder wil plucken.
Gi heten marienbrodere, up dat gi ein hillich ksch levent scholen voren
In velen godesdnste unde rechtverdicheit, dit mach juwen state tobehoren.
Wan wo gi armen under ju schattet unde plaget
Tyrannischer ws, dat is vaken Gode geklaget.
Mochte gi wedder recht stede unde lant vorweren,
Dr lete gi mannigen unschuldigen umme sterven.
De orde is nicht ingesat umme juwen swalch, laddichgnt unde vreterie,
Ok nicht umme juwe giricheit unde hoverdie.
Gode unde Marien hebbe gi gesworen einen t,
Drumme dat cruce up juwen klede steit.
Dr is mannich tyranne, ven den is dit gesecht,
Unde nicht van di unde dinen broderen, sint gi in juwen saken recht.

Korsridder Dden til Korsridderen Klik p de m billeder for at se de originale sider.

Ordensridderen og Dden-p-lven er de eneste billeder, der ikke har en dobbelt ramme.

Fodnoter: (1) (2)

Tyske orden...: Ridderorden grundlagt 1190 og nedlagt 1809 af Napoleon. Tyskere og skandinavere tog p korstog mod "hedningene" i stersomrdet - som fx Estlandstoget i 1219, hvor Dannebrog faldt ned fra himmelen.
Livland...: Omrde ved stersen. Siden 1919 delt mellem Estland og Letland. Det er ikke tomt pral, ridderen kommer med: den Tyske Orden kontrollerede Preussen og store dele af Baltikum. De havde bl.a. kbt Danmarks del af Estland af Valdemar Atterdag.

Op til Des Dodes Dantz